SBS Tigrinya - ኤስ.ቢ.ኤስ ትግርኛ

ሩስያ ፡ ኣብ ዩክረይን ኣብ ዝርከብ ሆስፒታል መወለዳን ህጻናትን መጥቃዕቲ ብምኽፋት ፡ ብውሕዱ 17 ሰባት ኣቑሲላ ። ኣብ ትሕቲ እቲ ፍርስራስ እተቐርቀሩ ቘልዑ ከም ዘለዉ ዝገልጽ ጸብጻብ ኣሎ ። መሻርኽቲ ዩክረይን ንስርዓተ ምክልኻል ኣየር እታ ሃገር ንምብርታዕ ኣብ ዝጽዕራሉ ዘለዋ እዋን ፡ ዓለምለኻዊ ምላሽ ሓያል ኰይኑ ይቕጽል ኣሎ ።

ድሕሪ ቃለ-መሕተት ጓል ሻምበል ዝመጸ ምኩላል ደቀንስትዮ ኣብ እዋን ገድሊ። ሽልማት ዋዕሮን ምትብባዕ ኣብ ዝተፈላለዩ ንጥፈታት ንዘተዋስኣ ደቀንስትዮን ከምኡ ድማ ደቂ ተባዕትዮን። ኣብ ትግራይ ብስም ህዝቢ ምሕጋዝ ኣብ ኣዲስ ኣበባ ኰይኖም፡ገንዘብ ህዝቢ እናተቐበሉ ኣብ ውልቀ መዓላ ዘውዕልዎ ሰባትን ኣብ ጉዳይ ናብ ትግራይ ብዘይ ሕጋውያን ደላሎ ዝግበር ናይ ሓዋላ ስራሕን ተቃውሞ ተጋሩ ኣብ ማሕበራዊ ሜድያ። ዝብሉ ኣብዚ ሰሙን ኣብ ማሕበራዊ ሚድያታት ከዘራርቡ ዝቐነዩ ዛዕባታት ምስ መምህር ዮሴፍ ወርቀ ተዘትይሎም ኣሎ።

ቅድሚ ሓሙሽተ ዓመት'ያ ናብ ኣውስትራሊያ መጺኣ። ካብ ኣፍሪቃ ክትመጽእ'ከላ ምሕምባስ ኣይትኽእልን ኔራ። ናይ ዲግሪ ትምህርታ እናተማህረት፡ ከም መዕረፊን ኣካላዊ ምንቅስቓስ ክኾና ምሕምባስ ተማሂራ ንመሐንበሲ ከባቢታት ትዘናግዓሉ ስፍራ ጌራቶ። ኣብዚ ሕጂ እዋን ኣብ ርእሲ'ቲ ብዝተመረቐትሉ ሞያ ትሰርሓሉ ስራሕ፡ መምህር ምሕንባስ ቆልዑ ኮይና ትሰርሕ ኣላ። ጥቕሚ ምሕምባስ ኣዕሊላትና ኣላ።

ስካሞርከስ ወይ መታለልቲ ናይ ኦንላይን ኣብ እዋን ለበዳ ኮቪድ-19 ንፍርሒ ሰባት ንረብሓኦም ከምዝውዕል ይጥቀምሉ ኣለዉ ። እቲ ልሙድ ምትላል ፡ ብሕታዊ ሓበሬታ ንምርካብ ፡ ብኦንላይን ዝግበር ዕዳጋ ፡ ከምኡ እውን ናይ ጥሮታ ገንዘብ የጠቓልል ። ኣብዚ ትሕዝቶ ነቲ ምትላል ከመይ ከምትፈልጦን ብኸመይ ንርእስኻ ትከላኸልን ዝገልጽ እዩ ።

ዕለታዊ ዜና፥ጸብጻብ ልኡኽ፥ቃለ መሕትት፡ ሰሙናዊ ዜናታት ስፖርትን ካልእን።

** ሓይልታት ሩስያ ንዝሓዝዎ ትካል ኑክሌስ ዩክሬና፡ ኣብ ትሕቲ ኣዘዝቲ ሩስያዊያን ኮይኖም ፡ራሕተኛታት ዩክሬናዊ ያን ኣብ የካይድዎ ኣለዉ ። ** ሬሳ ናይቲ ፍሉጥ ተጻዋቲ ክርኬትን መርኣያ ስፖርት መልበርን ዝኾነ ሸን ዋርነ ፡ ንመስርሕ መርመራ ክጅምር ኣብ ከተማ ሱራት ታኒ ኣትዩ ኣሎ ** ሓይሊ ዕማም ጸጥታን ድሕነትን ኢትዮጵያ ኣብ በዓላት ዝኽሪ ዓድዋን ካራማራን ብሄር ኣብ ልዕሊ ብሄር ሃይማኖት ኣብ ልዕሊ ሃይማኖት ከባእሱ ዝፈተኑ ዝበሎም ይኣስር ** ኣብ መክሲኮ ዝተገብረ ጸወታ ኲዕሶ እግሪ ብዝተፈጥረ ዕግርግር ብዙሓት ቆሲሎም

ካልኦት ኣርእስታት፥ ኣሜሪካ፣ ሕጂውን ሰራዊት ኤርትራ ካብ ትግራይ ክወጹ ሓቲታ። ብካልእ ዜና ሃገራት ኣፍሪቃ ንሩስያ ክኹንና ፀዊዓ። ኣብ ክልል ኣምሓራ ኣብ ሞንጎ ዕጡቓት መንግስትን ፋኖ ብዝብል ስም ዝጽዉዑ ዕጡቓትን ብዝተወለዐ ጎንጺ ሓደ መራሒ ፋኖ ተቐቲሉ፣ ብዙሓት ውን ከም ዝተኣስሩ ተሓቢሩ። ብካልእ ዜና፣ ኣብ ክልል ብንሻጉል ጊሙዝ 12 ተጋሩ ኣብ ቅድሚ ህዝቢ ከም ዝተረሸኑ ተሰሚዑ። ምምሕዳር ሲዳማ ኣስታት150 ሓለፍቲ መንግስቲ ካብ ስራሕ ሰጒጉ ንካልኦት ልዕሊ 200 ሓለፍቲ ድሚ መጠንቀቕታ ሂቡ።

ሰሙናዊ መደብ ስፖርት (07/03/2022) * ናይ መወዳእታ ውድድራት ጉያ እግሪ 2022 ወርቃዊ ዑደት ውሽጢ ኣዳራሽ ኣትለቲክስ ዓለም ዝሓለፈ ሰሙን ተኻይዶም ኢትዮጵያዊ ሰሎሞን ባሬጋ ተዓዊቱ፣ * ቅድድም ብሽግለታ ካናዳ ኣብ ኩሎም ኣብ ውሽጢ’ታ ሃገር ዝካየዱ ብሕብረት ቅድድም ብሽግለታ ዝጸደቑ ቅድድማት ተሳትፎ ሩስያን ቤላሩስን ክኽልክል ምዃኑ ኣፍሊጡ፣ * ቅ/ብ ፓሪስ-ኒስ ተጀሚሩ ቢንያም ግርማይ ዝድነቕ 6ይ ወጺኡ፣ * ኣብ መጻረዪ ግጥማት ንዋንጫ ዓለም ፊፋ ት17 መንእሰያት ደቀንስትዮ ኢትዮጵያን ኡጋንዳን ን1ይ እግሪ ገጢመን ማዕረ 2-2 ተፈላልየን፣ * ኤርትራ ካብ መጻረዪ ግጥማት ንዋንጫ ሃገራት ኣፍሪቃ 2023 ከምዘንሰሓበት ድሕሪ ምፍላጣ መጋጥምታ ዝነበረት ቦትስዋና ናብ ዝቕጽል ምድባዊ መጻረዪ ግጥማት ብቐጥታ ሓሊፋ፣ * ህቡብ ኣውስትራልያዊ ኮኾብ ክሪኬት ሸይን ዎርን ሃንደበት ብሕማም ልቢ ክኸውን ዝኽእል ኣብ መበል 52 ዓመቱ ዓሪፉ፣ መንፍዓቱ ኣብ ሜዳን ጌጋታት ህይወቱ ካብኡ ወጻኢን ንታሪኹ ከመይ ይጸልዎ

ቴስዓን ሸሞንተን ዝዀና ኣንስቲ ኣብ ታሪኽ ፍርዳዊ ጕዳያት እታ ሃገር ኣገዳሲ ስጕምቲ ዝተባህለሉ ኣብ ቀዳመ-ሰንበት (6 መጋቢት) ኣብ ባይቶ መንግስቲ ግብጺ ወንበር ረኺበን ። እዚ ኣብታ ሃገር ዘሎ ናይ ጾታ ጋግ ንምጽባብ ክሕግዝ እዩ ተባሂሉ።

ብዙሓት ንቖልዑ ዝኾኑ መጻሕፍቲ፡ ጽውጽዋያት መቦቆላዊያንን ትርጉምን ከም ኡውን ልብወለዳት ዝጸሓፈት እያ። ኣብ ሱሳታት ናይ ኲዕሶ ዳኛ፡ ብመኮንን ጥዕና ካበተን ንፈለማ ኣብ ጎንደር ከይዳ ዝተማህረት፡ ኣብዚ ቅሩብ እዋን መበል ሓምሳ ዓመት ናይ ሓዳራ ምስ በዓል ቤታ ዝጸምበለት ነባሪት ሽወደን እያ። ብምኽንያት መዓልቲ ደቂ ኣንስትዮ ንወ/ሮ ምንያ ጸጋይ ተመኩሮ ህይወታን ስርሓን ኣካፊላትና ኣላ።