SBS Tigrinya - ኤስ.ቢ.ኤስ ትግርኛ

*ዕለታዊ ዜና፡

*ውዕሎ ቅልውላው ራሻ-ዩክሬን፡

* ጸብጻብ ልኡኽና፥

* ዕላል ምስ ዶ/ር ገነት እንድሪያስ፥

* ሰሙናዊ መደብ ስፖርት ናይ ኢብራሂም ዓሊ

ምስ ሓኪም ስኒ ምስ ዶ/ር ገነት እንድርያስ፡ ንገብሮ ዘለና ዕላል ብምቕጻል ሎሚ

መቐጸልታ ናይ ዝሓለፈን ዝመጽእን ኣብቲ ናታ ፍሉይ ክእለት ወይ ስፐሺያሊቲ ዘተኮረ ብዛዕባ ንዝተበላሸወ ስኒ ንምዕራይን ንምትካእ ዝግበር ወይ ደንቹር ከምኡውን ብዛዕባ ምእሳር ስኒ (Braces) ዝምልከት ምስ ዶ/ር ገነት ዕላልና ክቕጽል እዩ።

 ኣርእስታት ዜና፥

** ናያ ሩሲያ ፕረሲደንት ቪላድሚር ፑቲን ኣጽዋር ኑክሌስ ኣብ ልዕል ተጠንቀቕ ክጸንሒ ኣዚዙ

** ኣብ ኲንስላንድ ብኸቢድ ዝናብን ውሒዝን ዝተጸልዉ ነበርቲ መንግስቲ ሓገዝ ክገብረሎም ምዃኑ ኣፍሊጡ

** መንግስቲ ኣውስትራሊያ ብመልክዕ ወተሃደራዊ ናውትን ሕክምናዊ ናውትን ናብ ዩክረይን ንምልኣኽ ናይ 3 ሚልዮን ዶላር ኣሜሪካ ናብ ኔቶ ከምዝልኣኽ ኣፍሊጡ ።

* * * ሊቨርፑል ን ቸልሲ ብ ምስዓር ዋንጫ ሊግ እንግሊዝ ዓቲራ ።

ኣርእስተ ዜና፥

ቱርኪ ንሰላምን ርግኣትን ኢትዮጵያ ክትሕግዝ ቅርብቲ ከም ዝኾነት ኣፍሊጣ።

ዩናይትድ ዓረብ ኤሚረትስ ብወገና 35 ቶን ረድኤት መግቢ ናብ ትግራይ ኣብጺሓ።

ኣዛዚ ፍሉይ ሓይሊ ኣምሓራ ዝነበሩ ብርጋዴር ጀነራል ተፈራ ማሞ ፍሉይ ሓይሊ ናይቲ ክልል ኮነ ተባሂሉ ክብተን ይስራሕ ኣሎ ክብሉ ከሲሶም።

እቶም ኣብዚ ቀረባ እዋን ካብ መዝነቶም ተኣልዮም ካልእ መዝነት ተዋሂቡዎ ዝተሓሰሙ መራሒ  ኣብ ውሽጢ ሰራዊት ኢትዮጵያ ደገፍቲ ህወሓት ዝኾኑ ኣዘዝቲ ኣለዉ ኢሎም።

ሕብረት ኤውሮጳ ሩስያ ብትገብሮ ዘላ ናይ ወራር ስጉምትታት ፡ ኣብ ልዕሊኣ ማዕቀብ የትርርን  ንፈለማ እዋን ንዩክረይን ዘድሊ መሳርሒ ኲናት ንምቕራብ ኣጽዋር ብእተማልአ መገዲ ኽምወል ወሲኑ ።

ባይቶ ጸጥታ ውድብ ሕቡራት ሃገራት ፡ ከም ኣካል እቲ ንሩስያ በይና ኮይና ከምተገለለት ንምርኣይ ፡ ምዕራባውያን መሻርኽቲ ዲፕሎማስያዊ ወፍሪ ኣብ ዘካይዳሉ ዘለዋ እዋን ፡ ህጹጽ ኣኼባ የካይድ ኣሎ ።

ሰሙናዊ መደብ ስፖርት (28/02/2022)

* ኢትዮጵያዊት ኣትሌት ያለምዘርፍ የኋላው ኣብ ውድድር ጉያ እግሪ መንገዲ 10ሽሕ ሜትሮ ሓድሽ ክብረወሰን ከተምዝግብ እንከላ ኤርትራዊት ራሄል ዳንኤል ከኣ ኣብ ውድድር ጉያ እግሪ መሮር ተዓዊታ፥

* ኤርትራውያን ተቐዳደምቲ ኣብ ዙር ሩዋንዳ ብዓብላሊ ተዓዊቶም፣ ናትናኤል ተስፋጽዮን ድርብ ጽዋዕ ብምዕታር ብሉጽ ኣፍሪቃዊን ብሉጽ መንእሰይን ተቐዳዳማይ ኮይኑ ክዕወት እንከሎ ሄኖክ ምሉእብርሃን ከኣ ኣብ ምድብ መንእሰያት ካልኣይ ወጺኡ:

* ኣብ ዙር ኢማራት ዓረብ ዝተቐዳደመ መርሃዊ ቅዱስ ከኣ ዘዕግብ ውጽኢት ኣመዝጊቡ፥

* ወራር ሩስያ ኣብ ልዕሊ ዩክረይን ተኸቲሎም ዝውሰዱ ዘለው ናይ እገዳን ምሕሳምን ስጉምቲታት ንስፖርት ዓለምና ኣብ ማእከል ዝገበሩ ብምዃኖም ስፖርት፣ ሰብኣዊ መሰላት፣ ፖለቲካን ቁጠባን ኣብ ሓደ እዋን ቆላሕታ ረኺቦም ትኹረት ዓለም ዝሰሓብሉ ኮይኑ፡