Seinni níu

Það var svo sannarlega gaman hjá okkur í Seinni níu þessa vikuna en til okkar kom Helga Sverrisdóttir, hjúkrunarfræðingur og félagi í Nesklúbbnum. Helga fer yfir það af mikilli hreinskilni hvernig það er að byrja í golf og þær áskoranir sem því fylgir.

Hún segir okkur meðal annars frá þeirri þolraun sem það var að taka þátt í meistaramóti eftir að hafa nýlega hafið golfiðkun. Helga segir okkur einnig frá því þegar hún gerði sér lítið fyrir og fór holu í höggi í golfferð á vegum Nesklúbbsins. Þar hjálpaði til að hún tók alls ekki rétta kylfu í höggið en boltinn steinlá í holunni engu að síður.

Stórskemmtilegur þáttur þar sem mannlegi þátturinn í golfinu er svo sannarlega í fyrirrúmi. Helga segir okkur einnig stórskemmtilega sögu úr boðsmóti á Hvaleyrarvelli þar sem eiginmaður hennar, Bjarni Ármannsson, kemur við sögu.

Logi gefur svo góð ráð hvernig sé best að græða pening á Opna bandaríska meistaramótinu sem fram fer um helgina.

Seinni Níu er í boði:

✈️- PLAY

💊- Unbroken

👟- ECCO

🥻 - J. Lindeberg - ntc.is

⛳- Eagle Golfferðir

🚗- XPENG - xpeng.com/is

🧼- Lindin bílaþvottastöð

🏚️ - Betri stofan fasteignasala

🏌️‍♀️- Golfsvítan

🛺- Excar.is golfbílar

Einn litríkasti golfkennari Íslands – og líklega Spánar – Ívar Hauksson, kom í spjall til okkar í Seinni níu. Ívar hefur búið á Spáni síðustu 30 árin við golfkennslu og er stundum kallaður Kóngurinn á Mar Menor.

Í júní tekur Ívar að sér golfkennslu hér á Íslandi, og komast færri að en vilja. Í ár eru um 75 manns á biðlista eftir að komast undir handleiðslu Ívars, sem kennir golf frá morgni til kvölds.

Ívar segir okkur frá golfferli sínum, sem hófst þegar hann var aðeins þriggja ára. Við rifjum upp nokkrar skemmtilegar sögur, og Ívar deilir einnig nokkrum góðum ráðum til kylfinga. Þar kemur meðal annars fram að flestir kylfingar séu með of lágan fláa á drævernum – að hans mati.

Hann ræðir einnig ást sína á 7-trénu, sem hann segir vera að breyta leiknum. Draumahollið er á sínum stað, og þar koma við sögu afar litríkir kylfingar.

Frábær þáttur með einum af okkar allra skemmtilegustu köppum í golfíþróttinni á Íslandi.

Seinni Níu er í boði:

✈️- PLAY

💊- Unbroken

👟- ECCO

🥻 - J. Lindeberg - ntc.is

⛳- Eagle Golfferðir

🚗- XPENG

🧼- Lindin bílaþvottastöð

🏚️ - Betri stofan fasteignasala

🏌️‍♀️- Golfsvítan

🛺- Excar.is golfbílar

Handboltaþjálfarinn, fyrirlesarinn og rithöfundurinn Bjarni Fritzson er gestur vikunnar í Seinni níu. Bjarni var mjög öflugur handboltamaður og hefur síðustu ár þjálfað karlalið ÍR. Hann er einnig rithöfundur en barnabækur hans um Orra óstöðvandi hafa notið gríðarlegra vinsælda.

Bjarni er með um 15 í forgjöf og er kominn með mikla golfdellu. Hann er bæði meðlimur í Golfklúbbi Reykjavíkur og hjá Golfklúbbi Grindavíkur. Geri aðrir betur.

Hann segir okkur frá draumahögginu sem hann sló í Kiðjabergi, segir okkur aðeins frá golfhópnum „Tipsy“ og einnig þegar hann sló í áttræða konu í Frakklandi.

Bjarni velur fimm erfiðustu golfholurnar sem hann leikur á Íslandi og einnig draumahollið.

Frábært spjall um golf og ýmislegt fleira við þennan stórskemmtilega kylfing sem vill helst spila golf með örvhentum.

Seinni Níu er í boði:

✈️- PLAY

💊- Unbroken

👟- ECCO

🥻 - J. Lindeberg - ntc.is

⛳- Eagle Golfferðir

🚗- XPENG

🧼- Lindin bílaþvottastöð

🏚️ - Betri stofan fasteignasala

🏌️‍♀️- Golfsvítan

🛺- Excar.is golfbílar

Gestur vikunnar í Seinni níu er Þórdís Geirsdóttir sem hefur verið félagi í Golfklúbbnum Keili í hálfa öld. Hún varð Íslandsmeistari í höggleik árið 1987 og hefur svo verið meðal fremstu kylfinga landsins um árabil.

Hún hefur verið óstöðvandi á mótaröð eldri kylfinga og varð Íslandsmeistari 50+ í níu ár í röð. Hún hefur farið fimm sinnum holu í höggi og við fengum hana til að Powerranka ásanna sína.

Jafnframt segir Þórdís okkur frá því frá mikilli dramatík sem varð í Sveitakeppni GSÍ fyrir nokkrum árum þegar Þórdísi var dæmdur ósigur í bráðabana eftir að hafa þegið ráð frá liðsfélaga. Það varð til þess að GK tapaði úrslitaleiknum og talsvert drama varð í kjölfarið sem endaði á fréttamiðlum.

Frábært spjall við einn okkar besta kylfing en Þórdís er með 0,4 í forgjöf og hefur sjaldan verið betri.

Seinni Níu er í boði:

✈️- PLAY

💊- Unbroken

👟- ECCO

🥻 - J. Lindeberg - ntc.is

⛳- Eagle Golfferðir

🚗- XPENG

🧼- Lindin bílaþvottastöð

🏚️ - Betri stofan fasteignasala

🏌️‍♀️- Golfsvítan

🛺- Excar.is golfbílar

Gestur vikunnar er atvinnukylfingurinn Haraldur Franklín Magnús sem leikur á Áskorendamótaröðinni. Í þættinum fer Haraldur yfir stöðuna á ferli sínum en hann ætlar sér að halda áfram næstu ár í atvinnumannagolfinu og telur sig geta náð inn á Evrópumótaröðina.

Í þættinum förum við aðeins yfir mikinn áhuga Hadda á golfkylfum og græjum. Hann á tíu golfsett og er með verkstæði þar sem hann skiptir sjálfur um grip, sköft og hausa.

Haraldur fer aðeins yfir lífið sem atvinnukylfingur, svarar nokkrum spurningum frá hlustendum og velur draumahollið. Einnig segir Haddi okkur frá því þegar hann hrekkti Loga Bergmann eftirminnilega fyrir nokkrum árum.

Seinni Níu er í boði:

✈️- PLAY

💊- Unbroken

👟- ECCO

🥻 - J. Lindeberg - ntc.is

⛳- Eagle Golfferðir

🚗- XPENG

🧼- Lindin bílaþvottastöð

🏚️ - Betri stofan fasteignasala

🏌️‍♀️- Golfsvítan

🛺- Excar.is golfbílar

Kristinn Óskarsson er gestur vikunnar í Seinni níu. Þessi landsþekkti körfuboltadómari er einnig mjög liðtækur kylfingur og er í dag með um 3–4 í forgjöf. Í þættinum förum við meðal annars yfir ótrúlega frammistöðu hans á Íslandsmótinu 2012 á Hellu, þegar Kristinn endaði í 5. sæti eftir að hafa verið í toppbaráttunni nær allt mótið.

Kristinn segir frá því hvernig sú reynsla, að leika í lokaráshópi á þriðja keppnisdegi Íslandsmótsins, hefur hjálpað honum í dómgæslu síðar meir.

Við fengum Kristinn til að velja fimm bestu golfholur Suðurnesja. Hann valdi einnig mjög skemmtilegt draumaholl og segir frá því hvernig hann snöggreiddist á Íslandsmóti golfklúbba í Borgarnesi fyrir nokkrum árum. Einnig koma þrír ásar og einn albatross við sögu.

Seinni Níu er í boði:

✈️- PLAY

💊- Unbroken

👟- ECCO

🥻 - J. Lindeberg - ntc.is

⛳- Eagle Golfferðir

🚗- XPENG

🧼- Lindin bílaþvottastöð

🏚️ - Betri stofan fasteignasala

🏌️‍♀️- Golfsvítan

🛺- Excar golfbílar

Agnar Már Jónsson, framkvæmdastjóri Golfklúbbs Kópavogs og Garðabæjar (GKG), kom í heimsókn til okkar í Seinni níu. Hann sagði frá óvenjusnemmri opnun Leirdalsvallar, sem hefur sjaldan opnað jafn snemma og í ár.

Við ræddum einnig nýja nálgun GKG við rástímaskráningu, sem miðar að því að koma í veg fyrir að sömu einstaklingar hamstri eftirsótta rástíma.

Agnar fór jafnframt yfir stórbrotna uppbyggingu golfherma hjá klúbbnum — þeir eru nú orðnir yfir 20 talsins. Hann kynnti einnig PowerRank yfir fimm mest spiluðu golfvellina í hermum GKG.

Mjög áhugaverður þáttur, þar sem meðal annars kom í ljós að hinn heimsfrægi kylfingur Phil Mickelson hefur heimsótt Grindavík.

Seinni Níu er í boði:

✈️- PLAY

💊- Unbroken

👟- ECCO

🥻 - J. Lindeberg - ntc.is

⛳- Eagle Golfferðir

🚗- XPENG

🧼- Lindin bílaþvottastöð

🏚️ - Betri stofan fasteignasala

🏌️‍♀️- Golfsvítan

Gestur Seinni Níu þessa vikuna er enginn annar en Stefán Einar Stefánsson, sem hefur verið mjög áberandi í þjóðmálaumræðunni síðustu mánuði – bæði í hlaðvörpum og í Spursmálum á mbl.is.

Stefán er að snúa aftur á golfvöllinn eftir nokkurra ára hlé og er nú skráður með 54 í forgjöf. Hann hefur þó áður náð niður í 12 í forgjöf, svo þetta eru áhugaverðir tímar fram undan.

Í þættinum segir Stefán okkur frá því þegar hann byrjaði að leika golf á Patreksfirði, og síðar í Borgarnesi – þar sem golfferill hans fékk virkilega byr undir báða vængi. Uppáhaldsholan á Hamarsvelli kemur verulega á óvart!

Auk þess rifjar Stefán upp atvik þegar Geirmundur Valtýsson eyðilagði teighögg hans með mjög sviplegum hætti í meistaramóti – sagan er bæði fyndin og sársaukafull.

Einnig fáum við að heyra draumaholl Stefáns. Stórskemmtilegur þáttur í alla staði!

Seinni Níu er í boði:

✈️- PLAY

💊- Unbroken

👟- ECCO

🥻 - J. Lindeberg - ntc.is

⛳- Eagle Golfferðir

🚗- XPENG

🧼- Lindin bílaþvottastöð

🏚️ - Betri stofan fasteignasala

🏌️‍♀️- Golfsvítan

Við erum ansi léttir í Seinni níu eftir Masters mótið. Til okkar kemur sparkspekingurinn Kristján Óli Sigurðsson sem er kylfingur með golfdellu á verulega háu stigi. Hann var meðal þeirra sem mættu á golfvöllinn um helgina þegar golfvellir voru opnaðir.

Við kryfjum aðeins Masters mótið með Kristjáni sem fylgist vel með. Hann er með um 10 í forgjöf og ætlar sér að lækka niður í 7 í sumar. Hann er sterkastur í stutta spilinu og er þekktur fyrir sitt lága boltaflug.

Kristján hefur tvívegis farið holu í höggi og einnig afrekað að fá albatross. Hann segir okkur einnig frá hávaðarifrildi á golfvellinum þar sem Kristján endaði fyrir aganefnd GKG.

Frábær þáttur enda Kristján skemmtilegur kappi með eindæmum.

Seinni Níu er í boði:

✈️- PLAY

💊- Unbroken

👟- ECCO

🥻 - J. Lindeberg - ntc.is

⛳- Eagle Golfferðir

🚗- XPENG

🧼- Lindin bílaþvottastöð

🏚️ - Betri stofan fasteignasala

🏌️‍♀️- Golfsvítan

Gestur vikunnar í Seinni níu er Haukur Örn Birgisson, fv. forseti Golfsambands Íslands. Hann stendur í ströngu um þessar mundir, en hann á sæti í framkvæmdastjórn Opna mótsins og var nýkominn til landsins frá Norður-Írlandi, þar sem hann var að taka út keppnisstað mótsins í ár. Opna breska fer fram á Royal Portrush um miðjan júlí.

Haukur segir okkur frá því í þættinum hvernig hann hefur risið til metorða hjá alþjóðasamtökum í evrópsku golfi og er nú meðlimur í R&A, sem t.d. hefur það hlutverk að halda utan um Opna mótið og stærstu áhugamannamót í Evrópu.

Við spáum í spilin fyrir Masters. Jón og Logi koma þar með helstu veðmálin sem eru líkleg til að detta í mótinu. Einnig fáum við Powerrank yfir þá fimm leikmenn sem eru líklegir til að koma á óvart á Masters.

Haukur segir okkur einnig óborganlega sögu þegar hann endaði einn á Augusta National vellinum, þar sem Masters-mótið fer fram á ári hverju.

Seinni Níu er í boði:

✈️- PLAY

💊- Unbroken

👟- ECCO

🥻 - J. Lindeberg - ntc.is

⛳- Eagle Golfferðir

🚗- XPENG

🧼- Lindin bílaþvottastöð

🏚️ - Betri stofan fasteignasala

🏌️‍♀️- Golfsvítan