នៅត្រីមាសទី​២ឆ្នាំ​២០២៣នេះ សេដ្ឋកិច្ច​ចិន បាន​មានកំណើនចំនួន ៦,៣% បើប្រៀបធៀបទៅឆ្នាំ​មុន​។ នេះបើផ្អែកតាមតួលេខផ្លូវការ ចេញផ្សាយ​ដោយ​អាជ្ញាធរ​ចិន​។ តែយ៉ាងណា អ្នកជំនាញ​វិភាគសេដ្ឋកិច្ច បាន​បង្ហាញ​ការព្រួយបារម្ភថា នៅពី​ក្រោយ​តួលេខកំណើននេះ គឺសេដ្ឋកិច្ចចិន មិនមានសុខភាពរឹងមាំប៉ុន្មាននោះទេ ក្នុងអំឡុងពេលនេះ។ សេដ្ឋកិច្ចចិន ដែល​ធំ​ជាង​គេ​​ទី២ ​លំដាប់ពិភពលោក​ អាចនឹងប្រឈមវិបត្តិជាច្រើនរងចាំនៅ​ពេលខាង​មុខ។