ចាប់ពីថ្ងៃចន្ទទី​៥ធ្នូ​នេះ​តទៅ ការនាំចេញប្រេងឆៅរបស់រុស្ស៊ី នឹងត្រូវ​ជាប់ទណ្ឌកម្ម។ ជាទណ្ឌកម្ម​ ដែលត្រូវបាន​​អនុម័ត​​​​ដោយ​សហភាពអឺរ៉ុប ក្រុមប្រទេសសេដ្ឋកិច្ចនាំមុខG7 និង​អូស្ត្រាលី​។ ទណ្ឌកម្ម​នេះ នឹងហាមឃាត់ក្រុម​ហ៊ុនទាំងអស់​នៅតាម​បណ្តាប្រទេសទាំងនេះ មិន​ឲ្យ​ធានារ៉ាប់រង មិន​ឲ្យ​ដឹកជញ្ជូនតាមសមុទ្រ និ​ងមិន​ឲ្យ​ទិញលក់បន្ត ប្រសិន​បើប្រេងឆៅ របស់​រុស្ស៊ីនោះ មានតម្លៃលើសពី​៦០ដុល្លារ ក្នុងមួយធុងបារីល។