នៅ​ថ្ងៃ​អាទិត្យ ទី៤ កញ្ញា ប្រទេស​ស៊ីលី​រៀបចំ​បោះឆ្នោត​ប្រជាជាតិ​ស្តីពី​រដ្ឋធម្មនុញ្ញ​ថ្មី។ អ្នក​បោះឆ្នោត​ប្រមាណ​ជា ១៥លាននាក់​ត្រូវ​ចូល​រួម​បោះឆ្នោត​ទទួល​យក ឬ​មិន​ទទួល​សេចក្តីព្រាង​រដ្ឋធម្មនុញ្ញ​ថ្មី​ដែល​បាន​រៀបចំ​តាក់តែង​ដោយ​សមាជិក​សភា។ គួរ​រម្លឹក​ថា​សព្វថ្ងៃ ប្រទេស​អាមេរិកឡាទីន​មួយ​នេះ​កំពុង​បន្ត​ប្រើ​រដ្ឋធម្មនុញ្ញ​សល់​ពី​សម័យ​ដឹកនាំ​ផ្តាច់ការ​យោធា​របស់​លោក​ពីណូស្ហេ​ចន្លោះ​ឆ្នាំ ១៩៧៣ និង ១៩៩០។ ដូច្នេះ​បើ​ពលរដ្ឋ​បោះឆ្នោត​ទទួល​យក​រដ្ឋធម្មនុញ្ញ​ថ្មី ទំព័រ​សករាជ​ថ្មី​ស្រឡាង​នឹង​ចូល​ទៅ​បិទ​ទំព័រ​សករាជ​ចាស់​ទាំង​ស្រុង​ដែល​សល់​ពី​សម័យ​ពីណូស្ហេ។