សាលាឧទ្ធរណ៍ត្បូងឃ្មុំ​បានសម្រេច ឱ្យសកម្មជន​ការពារ​ព្រៃឈើ ​ខេត្ត​មណ្ឌលគិរី​ម្នាក់ ចាញ់​ក្តី​ក្នុង​សំណុំ​រឿង អភិបាល​ស្រុក​អូរ​រាំង ​លោក ​សៀក មុន្នី​ ប្តឹង​ទាមទារ​សំណង​២០ ​ម៉ឺនដុល្លារ ពីបទ​បរិហារកេរ្តិ៍ជាសាធារណៈ។ សកម្មជន​ការពារព្រៃឈើ ​លោក ​គ្រើង តុលា ចាត់​ទុក​សេចក្តី​សម្រេចនេះថា​ជារឿង​អយុត្តិធម៌​ និង​មិន​បាន​ទាញ​ហេតុផល​ច្បាប់​មក​វិនិច្ឆ័យ​ឱ្យ​ត្រឹមត្រូវ​នោះទេ​ ដែល​ធ្វើ​ឱ្យវិបត្តិ​ព្រៃឈើ​មិន​អាច​ដោះស្រាយ​បាន​។