សកម្មជន​ការពារ​ព្រៃឡង់​ និង​មន្ត្រីសង្គមស៊ីវិល​ ទាមទារ​ឱ្យ​សាលា​ដំបូង​ខេត្តព្រះវិហារ​ ត្រូវ​អនុវត្តច្បាប់​ លើ​មន្ត្រី​ឧទ្យានុ​រក្ស​របស់​ក្រសួងបរិស្ថាន​ ដែល​បើក​ដៃ​ឱ្យ​មាន​សកម្មភាព​កាប់​ឈើ​ទ្រង់ទ្រាយ​ធំ​ក្នុង​តំបន់​អភិរក្ស​ព្រៃឡង់​ ដឹក​ចូល​ការ​ដ្ឋាន​ក្រុមហ៊ុន​វៀតណាម​ភីអ៊ិនធី(PNT Co., Ltd.) ។ ពួកគេ​អះអាង​ថា ​ប្រសិន​បើគ្មាន​ភ្លើងខៀវ​ ពី​មន្ត្រីបរិស្ថាន​ ដែល​ឈរ​ជើងនៅ​តំបន់​នោះទេ​ ឧក្រិដ្ឋ​កម្ម​ព្រៃ​ឈើ​ទាំង​នេះ​ នឹង​មិន​អាច​ដំណើរ​ការ​បាន​ឡើយ​។