មួយ​ឆ្នាំ​ក្រោយ​ការ​​ដកទ័ព​​​ចេញ​​​ពី​អាហ្វហ្កានីស្ថាន​ ទាំង​ត្រដាបត្រដួស លោក​ប្រធានាធិបតី​អាមេរិក សង្ឃឹម​ថា​អាច​ស្តារ​មុខ​មាត់​អាមេរិក​បាន​តាម​រយៈការ​បន្ត​​យុទ្ធនាការ​ប្រយុទ្ធ​ប្រឆាំង​ភេរវនិយម​នៅក្រៅ​ប្រទេស​។ នៅ​យប់​មិញ (ថ្ងៃ​ចន្ទ​ទី ១​សីហា) លោក ចូ បៃដិន បាន​​​​ប្រកាសជូន​ដំណឹង ដោយ​​ផ្សាយ​បន្ត​ផ្ទាល់ តាម​កញ្ចក់​ទូរទស្សន៍​ជាតិ អំពី​ការសម្លាប់​​​មេដឹកនាំ ចលនា​​អាល់កៃដា  Ayman al-Zawahiri អៃម៉ាន អាល់ហ្សាវ៉ាហ៊ីរី នៅ​ក្នុង​ប្រតិបត្តិការ​ប្រឆាំង​ក្រុមភេរវជន នៅ​ប្រទេសអាហ្វហ្កានីស្ថាន ដោយ​ប្រើ​ដ្រូន។