ប្រមុខសង្ឃកាតូលិក សម្តេចប៉ាប​ហ្រ្វង់ស័រ បាន​ចាកចេញ​ពី​ទីក្រុងរ៉ូម នៅថ្ងៃ​អាទិត្យទី ២៤ កក្កដា ដើម្បី​ផ្តើម​ទស្សនកិច្ច​រយៈពេល ៦ថ្ងៃ នៅប្រទេស​កាណាដា។ ជា​ធម្មយាត្រា ទទួល​បរិវាសកម្ម ឬដំណើរទទួលទោស ដែល​ប្រមុខសង្ឃកាតូលិក​ធ្វើឡើង ដើម្បី​រសាយ​ស្លាកស្នាម​ឈឺចាប់ពីអតីតកាល។ ទស្សនកិច្ច​របស់​សម្តេចប៉ាបហ្វ្រង់ស័រ​នៅកាណាដា ធ្វើឡើង នៅបន្ទាប់ពី ​កាណាដា រន្ធត់ និងភ្ញាក់ផ្អើល​ជាខ្លាំង ដែលបាន​រកឃើញ​ផ្នូរ​អនាមិក នៅ​ទីតាំងស្នាក់នៅ​រៀនសូត្រ​របស់​កូនក្មេងជនជាតិដើមភាគតិច កាលពី​ពាក់កណ្តាល​ឆ្នាំមុន។