ចូល​ដល់​ថ្ងៃទី​១៧ កងទ័ព​រុស្ស៊ី​បង្កើន​ការ​វាយ​​ប្រហារ​កាន់​តែ​សន្ធាប់ឡើង នៅ​តាម​ក្រុង​ធំៗផ្សេងៗ​​របស់​អ៊ុយក្រែន ហើយ​បន្ត​ការ​បាញ់​ផ្លោង​លើ​លំនៅដ្ឋាន​និង​រចនា​សម្ព័ន្ធស៊ីវិល​ ជា​ពិសេស​នៅ​ក្រុងកំពង់ផែ​ម៉ារីយូប៉ូល។ បើ​​ស្ថានភាពនៅ​តែ​បន្ត​​បែបនេះ ក្រុមលោក​ខាង​លិចព្រមាន​នឹង​ដាក់​ទណ្ឌកម្ម​ថ្មីដ៏​ធ្ងន់ធ្ងរ​​បន្ថែម​ទៀត​​។ បស្ចិមលោក​និង​ក្រុមប្រទេស​មហាឧស្សាហកម្ម​ហ្សេ៧ បាន​លុប​ឈ្មោះ​​រុស្ស៊ី​ចេញ​ពី​បញ្ជី​រដ្ឋ​ទទួល​ការ​អនុគ្រោះ​ពន្ធ។ សហភាព​អឺរ៉ុប​បាន​សម្រេច​បង្កើន​កញ្ចប់​ថវិកា​ទ្វេមួយជាពីរ​សម្រាប់​ផ្តល់​ជំនួយ​សព្វាវុធ​ដល់​អ៊ុយក្រែន។