ស្ថានីយ៍អគ្គិសនី​​ដើរដោយថាមពល​នុយក្លេអ៊ែរ ហ្សាប៉ូរីចា (Zaporijjia) ស្ថិតនៅ​ភាគខាងត្បូងអ៊ុយក្រែន ដែលជារោងចក្រថាមពល​នុយ​ក្លេអ៊ែរ ដ៏ធំជាងគេបង្អស់នៅអឺរ៉ុបនោះ បានរងនូវ​ការវាយ​ប្រហារ បាញ់​ប្លោង​ផ្ទួនៗគ្នា កាលពីថ្ងៃសុក្រ និង​យប់ថ្ងៃសៅរ៍ម្សិលមិញនេះ។ អ៊ុយក្រែន និងរុស្ស៊ី ចោទគ្នាទៅវិញទៅមក ថាជាអ្នកបាញ់ប្លោងគ្រាប់ ប៉ះពាល់ដល់ស្ថានីយ៍នេះ។ ដោយឡែក ទីភ្នាក់ងារថាមពល​នុយក្លេអ៊ែរអន្តរជាតិ កំពុង​តែ​មានការព្រួយ​បារម្ភកាន់តែខ្លាំងឡើង ទាក់ទិននឹងគ្រោះថ្នាក់​នុយក្លេអ៊ែរនៅស្ថានីយ៍នេះ​ ដែលវាអាចជាហានិភ័យ គំរាម​ទ្វីបអឺរ៉ុប​ទាំងមូល​​តែ​ម្តង​។