នៅក្នុង​ជំនួប​ប្រជុំ​ថ្នាក់​រដ្ឋមន្ត្រី​​ក្រសួង​ការពារជាតិ​និង​ការបរទេស នៅ​ថ្ងៃ​ចន្ទទី ២១​មីនា​២០២២ សហភាព​អឺរ៉ុប​បាន​អនុម័ត​ “ទិសដៅ​​យុទ្ធសាស្ត្រ​អឺរ៉ុប” ដែល​ជា​ត្រី​វិស័យ​ការពារ​ជាតិ និង​ដែល​អឺរ៉ុប​បាន​សិក្សា​រៀប​ចំ​អស់​រយៈ​ពេល​ពីរ​ឆ្នាំមកហើយ។ ក្នុង​បរិបទ​នៃ​សង្គ្រាម​នៅ​អ៊ុយក្រែន រដ្ឋមន្ត្រី​អឺរ៉ុប បាន​ផ្តើម​រៀប​ចំ​ទណ្ឌកម្ម​ថ្មី​​សម្រាប់​ដាក់​លើ​រុស្ស៊ីបន្ថែម​ទៀត ប៉ុន្តែអឺរ៉ុប​បាន​សម្រេច​ជា​សំខាន់ ការ​បង្កើន​កងកម្លាំង​អន្តរាគមន៍ពិសេស និង​បង្កើន​ចំណាយ​យោធា​ ដើម្បី​ឱ្យ​សហភាព​អឺរ៉ុប​អាចមាន​សមត្ថភាព​​ចេញ​ធ្វើ​អន្តរាគមន៍​​ដោយ​ឯកឯង​បាន​នៅ​ឆ្នាំ​២០២៥។