សង្គ្រាមនៅអ៊ុយក្រែន បានចូលមកដល់ថ្ងៃទី​១៩ហើយ។ កងទ័ពរុស្ស៊ីបាន​បន្តទម្លាក់គ្រាប់បែក និង​បាញ់មីស៊ីលយ៉ាងដំណំ និងសឹងគ្រប់ទីកន្លែង។ ដោយឡែក គេសង្កេតឃើញថា មានពន្លឺវិជ្ជមានខ្លះៗ ទាក់ទិននឹងការចរចាផ្នែកការទូត រវាងភាគីទាំង២។ នៅព្រឹក​ថ្ងៃចន្ទនេះ អ៊ុយក្រែន និង​រុស្ស៊ី បានជួបចរចាគ្នា​តាមប្រព័ន្ធវីដេអូខុនហ្វឺរិនស៍។ ហើយទន្ទឹមគ្នានេះ មានដំណឹងលេចឮថា រុស្ស៊ីបាន​ងាកទៅសុំជំនួយ​ពីចិន ទាំងផ្នែក​យោធា និង​ផ្នែកសេដ្ឋកិច្ច។ តើរុស្ស៊ី ពិតជាបាន​ទៅសុំឲ្យចិនជួយ​ មែនឬក៏យ៉ាងណា? តើរុស្ស៊ីកំពុងតែជួប​ការលំបាកខ្លាំង មែនដែរឬទេ​ បាន​ជាងាកទៅ​រកជំនួ​យ​ពីចិន ហើយទន្ទឹមគ្នានេះ​ ហាក់បានបង្ហាញជំហរដកថយ​ខ្លះ ចំពោះអ៊ុយក្រែន នៅ​ក្នុងពេល​​ចរចាគ្នា​?