មហាសន្និបាត​អង្គការសហប្រជាជាតិ​ប្រចាំ​ឆ្នាំ​លើកទី៧៧ ចាប់​ផ្តើម​ពី​ថ្ងៃ​អង្គារ ទី២០ កញ្ញា​ដល់​ថ្ងៃ​សៅរ៍ ទី២៤ កញ្ញា​ក្នុង​ទីក្រុង​ញូយ៉ក សហរដ្ឋអាមេរិក។ ជិត​មួយ​សប្តាហ៍​នេះ ប្រមុខរដ្ឋ ប្រមុខរដ្ឋាភិបាល អ្នក​តំណាង​របស់​ប្រទេស​សមាជិក​អង្គការសហប្រជាជាតិ​ឡើង​ថ្លែង​សុន្ទរកថា​ម្តង​ម្នាក់ៗ​ដោយ​ផ្ទាល់​នៅ​លើ​វេទិកា។ មហាសន្និបាត​អង្គការសហប្រជាជាតិ​ប្រចាំ​ឆ្នាំ​លើកទី៧៧ ឆ្នាំ​រៀបចំ​ឡើង​ចំ​ពេល​ដែល​ពិភពលោក​កំពុង​ស្គាល់​ភាព​ប្រេះឆា​ខ្លាំង​ដោយសារ​សង្រ្គាម​អ៊ុយក្រែន។ ក្រៅ​ពី​នោះ នៅ​មាន​បញ្ហា​អាកាសធាតុ ភាព​ក្រីក្រ ឬ​មួយ​ក៏​វិសមភាព​ជា​ដើម។