​​​សង្រ្គាមនៅ​អ៊ុយក្រែន​បាន​ឈាន​ចូល​ដំណាក់​ការ​ថ្មី​ដោយ​រុស្ស៊ី​បាន​ដកទ័ព​ចេញ​ពី​តំបន់​ប៉ែក​ខាង​ជើង ពិសេស​នៅ​ជុំវិញ​ទីក្រុង​កៀវ និង​បាន​ពង្រឹង​កម្លាំង​នៅ​ប៉ែកខាងត្បូង និង​ខាង​កើត។ តែស្ថានការណ៍​នៅ​តាម​តំបន់​ដែល​រុស្ស៊ី​បាន​ដក​ចេញបាន​រងការ​ខូចខាត​យ៉ាង​ខ្លាំង​ដោយ​គ្រាប់​បែកនិង​គ្រាប់​មីស៊ីល។ ដោយឡែក អ្នកតំណាងជាន់ខ្ពស់​អង្គការសហប្រជាជាតិ​ធ្វើ​ដំណើរ​ទៅ​កាន់​ប្រទេស​រុស្ស៊ីដើម្បី​ចរចា​ពី​បទឈប់បាញ់ និង​ជំនួយ​មនុស្សធម៌។ ទន្ទឹម​គ្នា​នេះ កិច្ចចរចា​រវាង​ភាគី​ជម្លោះ​ទាំង​ពីរ​កំពុង​បោះជំហាន​ទៅ​មុខ​ដែល​នឹង​អាច​ឈាន​ដល់​មាន​ជំនួប​រវាង​ប្រធានាធិបតី​អ៊ុយក្រែន និង​សមភាគី​រុស្ស៊ី។