ការទាមទារ​ឲ្យ​បង្កើត​តុលាការ​ពិសេស ដើម្បី​ជំនុំជម្រះឧក្រិដ្ឋកម្ម នៅ​ក្នុង​សង្គ្រាម​អ៊ុយក្រែន បាន​កើតមាន​កាន់តែ​ច្រើនឡើង។ បន្ទាប់​ពី​សហភាព​អឺរ៉ុប កាល​ពីចុងខែ​វិច្ឆិកា​កន្លងទៅ អាល្លឺម៉ង់​ក៏​បាន​ប្រកាស​ផងដែរ កាល​ពី​ថ្ងៃចន្ទ១៦មករា​កន្លងទៅនេះ​ថា ចង់ឲ្យ​មាន​ការ​បង្កើត​តុលាការ​ពិសេស ដើម្បី​ជំនុំជម្រះ​មេដឹកនាំ​រុស្ស៊ី។ ក៏ប៉ុន្តែ សំណួរ​ត្រូវចោទឡើង​ថា តើ​ហេតុអ្វី​ត្រូវ​បង្កើត​តុលាការ​ពិសេស​មួយ​ថ្មីទៀត ក្នុងពេល​ដែល​តុលាការព្រហ្មទណ្ឌអន្តរជាតិ​មាន​ស្រាប់​រួចទៅហើយ? តើ​ការបង្កើត​តុលាការពិសេស​នេះ​អាច​នឹង​ទៅរួចដែរ​ឬ​ក៏​យ៉ាងណា?