ដោយសារ​រឿងសង្រ្គាមឈ្លានពាន​អ៊ុយក្រែន រុស្ស៊ី​កំពុង​រង​ការថ្កោលទោស​កាន់តែ​ច្រើន នៅលើ​ឆាកអន្តរជាតិ។ នៅថ្ងៃ​ពុធ​ម្សិលមិញ រដ្ឋអាជ្ញា​របស់​តុលាការ​ព្រហ្មទណ្ឌ​អន្តរជាតិ ​បានប្រកាស ចាប់ផ្តើម​បើក​ការស៊ើបអង្កេត​ជាផ្លូវការ លើ​សង្រ្គាម​អ៊ុយក្រែន។ ចំណែក​មហាសន្និបាត​អសប​វិញ បាន​បោះឆ្នោត​គាំទ្រ​ដោយ​សំឡេង​យ៉ាងច្រើន​លើសលុប​ទាមទារ​ឲ្យ​រុស្ស៊ី​ឈប់​ប្រើកម្លាំងយោធា​នៅទឹកដីអ៊ុយក្រែន និងត្រូវ​ដកទ័ពចេញ ជា​បន្ទាន់ ពី​ទឹកដី​អ៊ុយក្រែន។