នៅ​ទីបំផុត និង​បន្ទាប់​ពី​បាន​ចរចា​គ្នា​យ៉ាង​តានតឹង​អស់​ពេល​ជា​ច្រើន​ម៉ោង សមាជិក​សហភាពអឺរ៉ុប​ទាំង ២៧ប្រទេស​បាន​ព្រមព្រៀង​គ្នា​លើ​កញ្ចប់​ទណ្ឌកម្ម​ថ្មី​ប្រឆាំង​រុស្ស៊ី​នៅ​ក្នុង​សង្រ្គាម​អ៊ុយក្រែន។ កញ្ចប់​ទណ្ឌកម្ម​ថ្មី​នេះ​បាន​ផ្តោត​សំខាន់​លើ​ប្រេង​ដោយ​សហភាពអឺរ៉ុប​នឹង​បញ្ឈប់​ការ​ទិញ​ប្រេង​ពី​រុស្ស៊ី​ដល់​ទៅ ៩០% ពី​ពេល​នេះ​ទៅ​ដំណាច់​ឆ្នាំ ២០២២។ ប្រធាន​ក្រុមប្រឹក្សា​អឺរ៉ុប​លោក​ស្ហាល មីស្ហែល​បាន​សរសេរ​នៅ​ក្នុង​បណ្តាញសង្គម Twitter ថា ទណ្ឌកម្ម​នេះ​នឹង​បិទ​ប្រភព​ចំណូល​ហិរញ្ញវត្ថុ​ដ៏​សម្បើម​របស់​ម៉ាស៊ីន​សង្រ្គាម​រុស្ស៊ី​នៅ​អ៊ុយក្រែន។