តាំងពីរុស្ស៊ីបើកការវាយប្រហារចូលឈ្លានពានអ៊ុយក្រែន ក្រុមប្រទេសលោកខាងលិចបាននាំគ្នាដាក់ទណ្ឌកម្មសេដ្ឋកិច្ចប្រឆាំងរុស្ស៊ី និងបាននាំគ្នាជួយអ៊ុយក្រែន។ ជំនួយដែលក្រុមប្រទេសលោកខាងលិចបានផ្តល់ឲ្យអ៊ុយក្រែនច្រើនជាងគេ គឺសម្ភារៈបរិក្ខារយោធា និងគ្រឿងសព្វាវុធទំនើបៗដើម្បីប្រឈមទប់នឹងកងទ័ពរុស្ស៊ី។ អាមេរិកជាប្រទេសដែលបានផ្តល់ឲ្យអ៊ុយក្រែនច្រើនជាងគេ។ តែខណៈនេះ អាមេរិក រួមទាំងប្រទេសលោកខាងលិចខ្លះកំពុងស្គាល់ចំនួនស្តុកសម្ភារៈបរិក្ខារយោធា និងគ្រឿងសព្វាវុធធ្លាក់ចុះខ្លាំង។ ហេតុអ្វីបានជាគ្រាន់តែជួយអ៊ុយក្រែនតែមួយ ក្រុមប្រទេសលោកខាងលិចបែរជាកំពុងប្រឈមនឹងការខ្វះសម្ភារៈបរិក្ខារយោធា និងគ្រឿងសព្វាវុធសម្រាប់ការពារខ្លួនឯងទៅវិញ?