សង្រ្គាម​ឈ្លានពាន​អ៊ុយក្រែន​ពី​រុស្ស៊ី​បាន​ឈាន​មក​ដល់​ផ្លូវ​របត់​ថ្មី​ដែល​ទ័ពរុស្ស៊ី​ត្រៀម​បើក​ការ​វាយប្រហារ​ទ្រង់ទ្រាយ​ធំ​នៅ​ប៉ែកខាងកើត​អ៊ុយក្រែន។ ឧបនាយករដ្ឋមន្រ្តី​អ៊ុយក្រែន​លោកស្រី​អ៊ីរីណា វេរ៉េចឈូក​បាន​អំពាវនាវ​ក្នុង​ថ្ងៃ​ពុធ ទី៦ មេសា​ឲ្យ​ពលរដ្ឋ​រស់​ក្នុង​តំបន់​ប៉ែក​ខាងកើត​ចាកចេញ​ភ្លាម​ជា​បន្ទាន់។ ដោយឡែក ប្រមុខ​ការទូត​អ៊ុយក្រែន​លោក​ឌីមីត្រូ គូឡេបា​បាន​សុំ​ជំនួយ​អាវុធ​បន្ថែម​ពី​ប្រទេស​សមាជិក​របស់​អង្គការ​អូតង់។ ការ​សុំ​នេះ​បាន​ធ្វើ​ឡើង​នៅ​ក្នុង​កិច្ចប្រជុំ​ថ្នាក់​រដ្ឋមន្រ្តី​ការបរទេស​អូតង់​រយៈពេល ២ថ្ងៃ​ពី​ថ្ងៃ​ពុធ​ដល់​ថ្ងៃ​ព្រហស្បតិ៍ ទី៧ មេសា។