សង្រ្គាម​រុស្ស៊ី​ឈ្លានពាន​អ៊ុយក្រែន​បាន​ឈាន​ចូល​ដល់ ៧៥ថ្ងៃ​នៅ​ថ្ងៃ​អង្គារ ទី១០ ឧសភា។ ក្រៅ​ពី​បាន​សម្លាប់​ជីវិត​មនុស្ស បង្ក​ឲ្យ​មាន​ជនភៀសខ្លួន ជនបម្លាស់ទី និង​បំផ្លាញ​ហេដ្ឋារចនាសម្ព័ន្ធ​របស់​អ៊ុយក្រែន សង្រ្គាម​មួយ​នេះ​បាន​និង​កំពុង​បង្ក​ឲ្យ​មាន​វិបត្តិ​ខ្វះ​វត្ថុធាតុដើម ដូច​យ៉ាង​លោហៈ ស្រូវសាឡី ឬ​ប្រេងឆា​ធ្វើ​ពី​ផ្កាឈូករ័ត្ន។ ចំណែក​បស្ចិមប្រទេស ពិសេស​សហភាពអឺរ៉ុប​កំពុង​បន្ត​ដាក់​ទណ្ឌកម្ម​ប្រឆាំង​រុស្ស៊ី​ដោយ​គ្រោង​កាត់​បន្ថយ​ការ​ទិញ​ឧស្ម័ន​ធម្មជាតិ និង​ប្រេង​ពី​រុស្ស៊ី។ ដើម្បី​កាត់បន្ថយ​ការ​ទិញ​ឧស្ម័នធម្មជាតិ​ពី​រុស្ស៊ី សហភាព​កំពុង​សម្លឹង​មើល​ឧស្ម័នធម្មជាតិពង្រាវ​ពី​ប្រទេស​ផ្សេង។ តើ​ឧស្ម័នធម្មជាតិពង្រាវ​នេះ​មាន​បរិមាណ​គ្រប់គ្រាន់ និង​អាច​ទៅ​ជំនួស​ឧស្ម័នធម្មជាតិ​រុស្ស៊ី​បាន​ដែរ ឬ​ទេ?