អង្គការ​នៃ​សន្ធិសញ្ញាអាត្លង់ទិកខាងជើង ឬ​ហៅកាត់​ជា​ភាសា​បារាំង « អូតង់ » បាន​បើក​កិច្ចប្រជុំកំពូល​រយៈពេល ៣ថ្ងៃ​នៅ​ក្នុង​ប្រទេស​អេស្ប៉ាញ​ដោយ​ចាប់​ផ្តើម​ពី​ថ្ងៃ​អង្គារ ទី២៨ មិថុនា។ កិច្ចប្រជុំកំពូល​នេះ​បាន​ធ្វើ​ឡើង ខណៈ​ដែល​រុស្ស៊ី​កំពុង​បន្ត​សង្រ្គាម​ឈ្លានពាន​នៅ​អ៊ុយក្រែន និង​ចំ​ពេល​ដែល​តួកគី​កំពុង​បន្ត​រារាំង​ប្រទេស​ស៊ុយអែត និង​ប្រទេស​ហ្វាំងឡង់​មិន​ឲ្យ​ចូល​ជា​សមាជិក​អូតង់។ សម្រាប់​ប្រមុខ​អង្គការ​អូតង់​លោក​យែន ស្តុលទែនប៊ែរ អូតង់​បាន​ធ្វើ​ដំណើរ​មក​ដល់​ផ្លូវរបត់​ដើម និង​ថា កិច្ចប្រជុំកំពូល​ពេល​នេះ​ជា​ឱកាស​មួយ​ដើម្បី​កំណត់​ចេញ​នូវ​គោល​យុទ្ធសាស្រ្ត​ថ្មី។