នៅប្រទេស​អេហ្ស៊ីប សន្និសីទអន្តរជាតិ​ស្តីពីអាកាសធាតុ Cop27​បាន​ឈាន​ចូល​ដល់​ថ្ងៃ​បិទបញ្ចប់ នៅថ្ងៃ​សុក្រ​នេះ។ ប្រឈមនឹង​គ្រោះមហន្តរាយធម្មជាតិ​ដែលបង្កឡើង​ដោយកត្តាប្រែប្រួលអាកាសធាតុ ពិភពលោក​ត្រូវការចាំបាច់ កិច្ចព្រមព្រៀង​ដ៏មហិច្ឆតា ដើម្បី​ទប់ស្កាត់​កុំ​ឲ្យ​កំដៅលើ​ផែនដី កើនឡើង​ច្រើនជាង ១,៥អង្សា។ ប៉ុន្តែ នៅតែប៉ុន្មានម៉ោងទៀតដែល​សន្និសីទ​ត្រូវ​បិទបញ្ចប់ ការខ្វែងគំនិតគ្នានៅតែមាន។ ការចរចា​ដើម្បីឈានទៅចេញ​សេចក្តីថ្លែងការណ៍​រួម នៅតែជាប់គាំង។ តើអ្វីជា​គន្លឹះខ្ទាស់​ធ្វើ​ឲ្យការចរចា​នៅ​Cop27ជាប់គាំង?