បន្ទាប់ពីពន្យារពេល១ថ្ងៃ និង​ចរចា​រហូត​ដល់ម៉ោង​៤ភ្លឺ នៅថ្ងៃ​អាទិត្យនេះ អ្នកតំណាង​របស់​ប្រទេស​ជិត​២០០ នៅទីបំផុត បាន​រកឃើញ​កិច្ចព្រមព្រៀងរួមគ្នា​មួយ នៅក្នុង​សន្និសីទ​អន្តរជាតិ​ស្តីពីអាកាសធាតុ Cop27 ដែលប្រព្រឹត្តទៅ​នៅប្រទេស​អេហ្ស៊ីប។ សេចក្តីថ្លែងការណ៍​ចុងក្រោយ ដែល​ប្រធាន​សន្និសីទ​អាកាសធាតុ Cop27​បានអានជាសាធារណៈ នៅព្រឹកថ្ងៃអាទិត្យ​មានបញ្ជាក់​ពីការបង្កើត​មូលនិធិ សម្រាប់​ការខូចខាត និង​បាត់បង់​ដោយសារ​កត្តាប្រែប្រួលអាកាសធាតុ ដែលជា​ការទាមទារ​ចង់បាន​ប្រទេស​ក្រីក្រ និងប្រទេស​កំពុងអភិវឌ្ឍ។