Umsjón: Pálmi Jónasson

Mikið fjölmenni var á íbúafundi í Grindavík í dag. Á fundinum var kynnt rýmingaráætlun vegna hugsanlegs eldgoss á svæðinu. Ef rýma þarf bæinn verður fólk látið vita með textaskilaboðum og sírenum.

Jarðfræðingur segir að miðað við gossöguna á Reykjanesskaga megi alveg búast við gosi þar. Verði gos í Svartsengi megi líka búast við að gjósi á Reykjanesi.

Alþjóðaheilbrigðisstofnunin telur miklar líkur á heimsfaraldri vegna kórónaveirunnar sem kom upp fyrir nokkrum vikum í Wuhan í Kína. Einn er látinn af hennar völdum í höfuðborginni Peking.

Ríkislögreglustjóri lýsti í dag yfir yfir óvissustigi almannavarna vegna kórónaveirunnar.

Jarðfræðingur segir að miðað við gossöguna á Reykjanesskaga megi alveg búast við gosi þar. Verði gos í Svartsengi megi líka búast við að gjósi á Reykjanesskaga. Hann segir hins vegar að það sé kannski líklegra að kvikan leiti eftir sprungukerfinu og landris hætti. Arnar Páll talar við Magnús Sigurgeirsson

Kínverska fyrirtækið Huawei býður best í að setja upp 5G samskiptakerfið í Bretlandi. Það hefur verið deiluefni um árabil hversu viturlegt sé að taki tilboði Huawei því kínversk yfirvöld, sífellt nærri kínverskum stórfyrirtækjum, hafi þá hugsanlega áhrifavald sem vart er hægt að ímynda sér. Deiluefni í Bretlandi en líka vestan hafs þar sem Mike Pompeo utanríkisráðherra hnykkti á andstöðu Bandaríkjastjórnar í tísti um helgina. Ákvörðunar bresku stjórnarinnar er vænst í vikunni. Sigrún Davíðsdóttir segir frá.

Japanar voru lengst af miklar hópsálir en nú eru einstæðingar orðnir normið. Karókí fyrir einn hefur slegið rækilega í gegn, knæpur og veitingahús gera ráð fyrir einstæðingum í stríðum straumum og þeim fjölgar stöðugt sem búa einir og kjósa að lifa í samræmi við það. Pálmi Jónasson sagði frá.