Umsjón: Pálmi Jónasson

Sóttvarnalæknir reiknar með að kórónaveiran berist hingað til lands. Mikilvægt sé að grípa til ráðstafana til að hefta útbreiðslu hennar.

Ferðamálaráðherra segir óljóst hvaða áhrif hugsanleg fækkun kínverskra ferðamanna hingað til lands hafi á ferðaþjónustu og efnahag landsins.

Heilbrigðisráðherra Bandaríkjanna biður Kínverja um samvinnu og upplýsingar vegna kórónaveirunnar sem hefur orðið yfir hundrað manns að bana síðustu daga. Bandarískir vísindamenn eru byrjaðir að reyna að þróa bóluefni gegn henni.

Veðurstofa Íslands setti núna síðdegis upp nýja GPS-stöð sem ætlað er að gefa nánari mynd af landrisi vegna mögulegrar kvikusöfnunar á Reykjanesskaga. Land hefur risið á svipuðum hraða í dag og síðustu daga.

Öll félög innan BSRB, sem eru með lausa samninga, eru byrjuð að undirbúa verkfallsaðgerðir. Stefnt er að því að fljótlega efir baráttufund á fimmtudaginn verði efnt til atkvæðagreiðslu um verkfallsboðun.

Stefán Eiríksson fyrrverandi lögreglustjóri og borgarritari hefur verið ráðinn nýr útvarpsstjóri.

Sérfræðingar á veðurstofunni vakta hverja hreyfingu á Reykjanesskaga, dag og nótt. Á einni viku hefur land í Illahrauni, vestan við fjallið Þorbjörn á Reykjanesskaga, risið um þrjá sentimetra og ekkert lát virðist vera á þróuninni. Í dag var tveimur mælum bætt við þétt net mæla á svæðinu, til að unnt væri að fylgjast enn betur með landrisinu. Landrisið er talið vísbending um kvikusöfnun en kvikan virðist ekki vera á neinni hreyfingu. Arnhildur Hálfánardóttir segir frá og talar við Kristín Jónsdóttir fagstjóri jarðvár á Veðurstofunni

Vinnuvika vaktavinnufólks styttist úr 40 klukkustundum í 36 samkvæmt tillögum sem nú er verið að kynna í félögum opinbera starfsmanna. Vinnuvikan getur styst enn meira hjá þeim sem ganga kvöld- nætur- og helgarvaktir og farið niður í 32 stundir. Ef tillögurnar verða samþykktar gæti það liðkað fyrir samningum. Það er þó ekki víst því öll félög innan BSRB er byrjuð að undirbúa verkfallsaðgerðir.APH segir frá.

Andrés Bretaprins hefur ekki gert nokkurn skapaðan hlut til að aðstoða við rannsókn á máli barnaníðingsins Jeffreys Epstein. Þetta segir saksóknari í New York. Andrés hefur lýst því opinberlega að hann sé boðinn og búinn til að veita allar upplýsingar um Epstein sem grunaður er um mansal og brot gegn stúlkum undir lögaldri. Pálmi Jónasson segir frá.