Bykans 400 SAL-vlieëniers word die lugredery se perseel verbied. Goeie nuus vir hotelle en die wynbedryf. Die DA vra die regering om oop kaarte te speel nadat die spertyd vir die betaling vir 'n coronavirus-entstof wéér misgeloop is. Die KKNK word uitgestel.

Die DA sê hy gaan die regering hof toe vat oor die besluit om verskeie strande tydens die feesseisoen te sluit. Afgetrede weermaglede is warm onder die kraag weens leë beloftes oor pensioenverhogings. Die ANC se sekretarisgeneraal, Ace Magashule, is steeks oor die integriteitskommissie se besluit dat hy opsy moet staan.

Die president sê in sy Versoeningsdagboodskap dat almal 'n verantwoordelikheid het om 'n nie-rassige, demokratiese samelewing te bou. Die Openbare Beskermer moet volgende jaar op 'n klag van meineed in die hof verskyn. Alle aanduidings is dat brandstofpryse aanstaande maand sal styg. Die land se paaie is reeds gevul met vakansieverkeer.

Die ANC se integriteitskomitee beveel aan dat die party se sekretarisgeneraal, Ace Magashule, tydelik van sy pos afstand moet doen. Ons kry reaksie hierop, en vra of ons nog sulke optrede teen ander ANC-lede kan verwag. Ons vind uit waarom Wes-Kaapse strande ingevolge die nuwe inperkingsregulasies nie gesluit is nie. Statistieke SA maak die jongste indiensnemingsyfers bekend.

'n Gesondheidskenner sê hy verwag nie dat president Cyril Ramaphosa vanaand 'n hernude streng staat van inperking sal aankondig nie. Die regering raai mense wat na die buiteland wil reis vir die feestyd, aan om hulle planne te heroorweeg. Eskom het die afgelope naweek weer beurtkrag ingestel - ons vind uit of die kragverskaffer gereed is vir die feesseisoen. Byna die helfte van die land se proteaspesies staan op die rand van uitwissing.

Die wenkbroue lig steeds, en sosiale media is behoorlik aan die gons oor die gebed deur hoofregter Mogoeng Mogoeng, waartydens hy God gevra het om in te tree in die stryd teen die Covid19-pandemie, en om te verseker dat enige valse entstof vernietig sal word. 'n Oudregter waarsku intussen dat aanvegbare stellings deur regters, selfs tydens gebed, gevolge inhou. Gesondheidsdeskundiges waarsku verder dat die aantal Covid-19-gevalle in die land heel moontlik meer is as wat die statistiek wys. Op ‘n ligter noot: Hoe gemaak wanneer 28 robbe vassit in 'n droogdok?

Die Minister van Gesondheid, dr. Zweli Mkhize, sê Suid-Afrika ondervind amptelik sy tweede vlaag van COVID-19-infeksies. Ons het by ‘n kenner gaan hoor wat dit inhou in die onmiddelike stryd teen die virus. Die DA pronk oor sy bydraes in die parlement in 2020, maar wat dink kiesers van die party? Ons praat met 'n ontleder oor gister se tussenverkiesings.
Daar is diegene wat meen die nuwe lugredery, Lift, 'n dapper stap doen om in hierdie ekonomiese tye sy toetrede tot die plaaslike lugvaartbedryf te maak. Lugvaartekonoom Joachim Vermooten meen egter dis 'n sinvolle stap.

Die jongste nuus van die Staatkapingskommissie. SAAI reageer op die Departement van Landelike ontwikkeling se stimuluspakket. Voedselpryse dryf inflasie. 'n Reuse os trek die skaal anderkant 1,3 ton!

Die ekonomie tel kop op. Die jongste nuus van die Staatskapingskommissie. Matrieks praat oor die vraestelle wat hulle moet oorskryf. Drukgroepe dring daarop aan dat leeutelery verban word.

'n Stimiluspakket vir bestaansboere word aangekondig. Die ANC se NUK stoei oor Ace Magashule se toekoms. 'n Politieke kenner ontleed die situasie. Ons praat met Afriforum oor sy pas uitgereikte verkragtingskrisisverslag.