Dokters is woedend oor SAHPRA se regulasies oor die menslike gebruik van Ivermektien, maar die reguleringsowerheid verdedig sy besluit. Ons hoor wat by die Zondo-kommissie gebeur. Die Boer-teater weier om die handoek in te gooi weens inperkingsregulasies. Die metaalwerkersunie, Numsa, en die Suid-Afrikaanse Vereniging vir Kajuitpersoneel, SACCA, se dringende aansoek in die Arbeidshof teen SAL se nie-betaling van werkers, is tot Maandag uitgestel. Die land se eerste Covid-19-entstof is op pad. Ons praat hieroor met die hoofredakteur van die Bkekisisa Sentrum vir Gesondheidjoernalistiek.

Suid-Afrika se plek op die korrupsie-persepsie-indeks bly onveranderd, maar korrupsiewaghonde waarsku teen korrupsie-kultuur. Die hooggeregshof bepaal dat die voormalige presdident, Jacob Zuma, voor die kommissie van ondersoek na staatskaping moet verskyn. Afriforum hou by sy voorneme om die hooggeregshof te nader oor die beskikbaarheid van Ivermektien vir menslike gebruik. Die munisipaliteit van Stellenbosch gaan poog om die land se eerste munisipaliteit te word om weg te breek van Eskom.

Nóg wydverspreide reën is op pad. Noord-Kaapse veeboere gevra om hulle vee teen slenkdalkoors in te ent. Die nuusagentskap A.N.A bevestig dat hulle betaling van die Staatsveiligheidsagentskap ontvang het.

Storm Eloise se skade word bereken. 'n Kenner verduidelik hoe die Amerikaanse reisverbod Suid-Afrikaners raak. En, 143 satelliete word die ruimte ingestuur.

'n Klimatoloog praat oor Storm Eloise se impak, wat later vandeesweek nóg reën oor die sentrale dele van die land gaan veroorsaak. Laingsburg se vloedslagoffers word 40 jaar later onthou. 'n Taxidiens slegs vir vroue trek die aandag op die Kaapse Vlakte.

Huldeblyke stroom steeds in na die dood van die minister in die presidensie, Jackson Mthembu. Ons praat met 'n oud-LP en een van ons parlementêre verslaggewers om te hoor hoe hulle hom onthou. Gedeeltes van die Kruger Nasionale Wildtuin word gesluit in die aanloop tot die tropiese storm, Eloise. Familielede van ouetehuisinwoners word gevra om eerder besoeke uit te stel weens 'n toename in Covid-gevalle in tehuise. Tax Justice SA eis dringende optrede deur die regering om onwettige sigaretverkope stop te sit. Die minister van vervoer, Fikile Mbalula, sê die afgelope feestyd was weens die pandemie, een van die moelikstes nóg vir sy department.

Die voormalige Suid-Afrikaanse ambassadeur aan Amerika, Ebrahim Rasool, vergelyk president Joe Biden se inhuldiging met dié van sy demokratiese voorganger, Barack Obama. Ons kyk ook wat Biden se eerste uitvoerende bevele behels. Navorsers aan die Universiteit van Pretoria, glo dat hulle 'n chemiese verbinding ontdek het wat kan help om malaria uit te wis. Die Departement van Sport, Kuns en Kultuur het onlangs 'n nasionale stuurkomitee saamgestel om die Nasionale Khoi en San erfenisroete te ontwikkel en bestuur.

Vakbonde gaan vanmiddag 'n griefskrif aan die regering oorhandig oor beplande afleggings by die SAUK. Verbruikersprysinflasie het in Desember verlede jaar op 'n jaargrondslag gedaal. Vrystaat Landbou versoek die regering om toe te sien dat polisiestasies volledig toegerus word, sodat boerderygemeenskappe minder aan hulleself uitgelewer is. Kamala Harris word vandag as Amerika se eerste vroue visepresident ingehuldig.

Die vakbond, CWU, beplan 'n staking oor afleggings by die SAUK. Wetenskaplikes sê daar is geen aanduiding dat die nuwe variant van die coronavirus 'n ernstiger infeksie veroorsaak nie. Boere moet op die uitkyk wees vir die herfskommandowurm wat groot skade aan sorghum-, mielie- en suikermielie-aanplantings kan aanrig. Ons ondersoek die impak van die jongste drankverbod op die wynbedryf.

FEDSAS vra vir meer inligting oor die besluit om die heropening van openbare skole uit te stel. 'n Aankondiging oor die heropening van tersiêre instellings. Ons ontleed die verkiesingsuitslag van die presidentsverkiesing in Uganda. Ons praat oor 'n nuwe Facebook-groep wat simpatie en ondersteuning betoon teenoor almal wat 'n stryd teen die Covid-19-pandemie stry.