Die landbou organisasie, TLU SA sê die protesoptrede teen geweldmisdaad op plase, is 'n goeie inisiatief en hopelike die begin van openbare deelname, om Suid-Afrika te beveilig. Die president van TLU SA Louis Meintjies doen 'n beroep op die publiek om ten spyte van die gebeure kalm te bly en hulle self steeds te beveilig.

'n Beplande staking in die sekuriteitsektor is uitgestel. Dit na WhatsApp boodskappe die rondte doen oor 'n staking wat na bewering vandeesweek onder meer winkelsentrums en treinstasies sou ontwrig.

Sosiale media word oorspoel met reaksie op die vlaag plaasaanvalle wat die afgelope tyd voorgekom het. Dit volg na tien aanvalle en twee moorde sedert Vrydag. Izak du Plessis berig.

Dit blyk dat daar nog geen poging van regeringskant af is om plastiek, wat orals op strande in KwaZulu Natal uitspoel, op te ruim nie. 'n Vragskip is tydens die storm sowat twee weke gelede beskadig en die vrag plastiek het so in die see beland. Die plastiek spoel nou orals op strande uit. Dit is nie nou 'n gevaar nie maar kan op die langduur, in die voedselketting beland. Die minister van Omgewingsake, Edna Molewa, was aanvangklik met Spektrum se navraag, nie bewus van die probleem nie....

Moenie paniek saai nie, maar wees paraat. Dit is die raad van die Nasionale Instituut vir Oordraagbare Siektes met betrekking tot 'n waarskuwing dat builepes in Suid-Afrika kan uitbreek. Suid-Afrika is een van nege lande wat deur die Wêreldgesondheidsorganisasie gewaarsku is, soos Hanri Wondergem berig.

Vandag sal die Minister van Finansies,Malusi Gigaba sy eerste medium termyn begrotingsraamwerk beleidstoespraak lewer. Te midde van 'n sukkelende ekonomie plaaslik en wereldwyd, beleidsonsekerheid en staatskapingsondersoeke waarby Gigaba se naam betrek word, sal alle oë op die parlement wees vanmiddag. Die ontleders in die ateljee is, Dr Chris Harmse, hoof ekonoom van Rebalance Fonds bestuurders, Pietman Roos, AGRI SA Bestuurder Korporatiewe sake en voorheen beleidskonsultant by die Suid-Afrikaanse Kamer van Koophandel en Nywerheid en Lullu Krugel , hoof ekonoom van KPMG.

President Jacob Zuma se regsverteenwoordiger, Advokaat Ishmael Semenya, het aan die Hooggeregshof in Pretoria gesê slegs die President kan 'n kommissie van ondersoek aanstel. Die voormalige Openbare Beskermer, Thuli Madonsela, het verlede jaar in haar verslag oor staatskaping bepaal dat President Zuma 'n kommissie moet aanstel. Die hof hoor President Zuma se hersieningsaansoek aan, oor die OB se regstellende optrede soos vervat in haar verslag.

Die regskenner dr Llewellyn Curlewis oor argumente dat slegs die President 'n kommissie van ondersoek kan aanstel. Die voormalige Openbare Beskermer, Thuli Madonsela, het verlede jaar in haar verslag oor staatskaping bepaal dat President Zuma 'n kommissie moet aanstel. Die hof hoor President Zuma se hersieningsaansoek aan, oor die OB se regstellende optrede soos vervat in haar verslag.

Daar is vanjaar reeds meer plaasaanvalle uitgevoer as die totale aanvalle verlede jaar. Sedert Vrydag is agt plaasaanvalle en twee plaasmoorde aangemeld. Ons praat hieroor met Afriforum se hoof van gemeenskapsveiligheid, Ian Cameron.

Die Minister van Polisie, Fikile Mbalula het vanoggend die misdaadstatistiek vir 2016/2017 aan die polisie-komitee in die Parlement voorgelê. Hy het opgemerk dat misdaad in die algemeen afgeneem het, maar dat misdade soos moord en diefstal 'n toename getoon het. Vir meer hieroor praat ons met 'n onafhanklike misdaadontleder, Dr Chris De Kock.