Spektrum

Die Tesourie weerhou voorwaardelike toedelings aan ses munisipaliteite in Noordwes. Teenkanting teen die Tshwane-metro se plan om die Pretoriastadsaal aan die Iranse ambassade te verhuur. Amerika se president, Donald Trump, sal waarskynlik nie die G20-beraad in Suid-Afrika bywoon nie. Hoë seegolwe tref Hawaii ná 'n massiewe aardbewing in Rusland.

Die president sê groot vordering word gemaak om die Zondo-kommissie se aanbevelings toe te pas. Die moordbeskuldigde, Tiffany Meek, is borgtog geweier. 'n Versoek dat munisipale werkers 'n minimumkwalifikasie moet hê. Die stand van Suid-Afrika se buitelandse betrekkinge is onder die vegrootglas. Inwoners van Welverdiend in Gauteng is raadop omdat hulle al 'n maand lank sonder krag is. Die parlement bekyk die ondersteuning wat skole aan leerlinge met gestremdhede bied.

Slotbetoë word aangehoor in Tiffany Meek se borgaansoek. 'n Wysigingswetsontwerp wat die afskaffing van adjunkministersposte voorstel, is in die Staatskoerant gepubliseer. Ons bekyk die handelsooreenkoms tussen Amerika en die Europese Unie. 'n Studie deur Wits wys dat klimaatsverandering die verwoestende storms in 2022 vererger het.

Meer as 'n miljoen kinders in die Gasastrook lei aan hongersnood en wanvoeding. Die staat sluit sy saak in die Senzo Meyiwa-verhoor ná 3 jaar af. Nóg 'n rentekoersverlaging is in die vooruitsig.

Reaksie op Amerika se plan om sanksies teen korrupte ANC-leiers in te stel, wat momentum kry. Die ontwikkeling van TB-entstowwe is onder die vergrootglas by 'n konferensie in Johannesburg. Die regering word versoek om die Padongelukke-voordeleskema te laat vaar.

Die BT Soccer Academy vra om verskoning vir die getrande sokkerspelers in Portugal. Verbruikersinflasie neig opwaarts na drie persent. Amerikaanse sanksies teen top Suid-Afrikaanse politici beweeg 'n treetjie vorentoe.

Die parlement aanvaar riglyne vir die ondersoek na bewerings deur die Kwazulu-Natalse polisiekommissaris, Nhlanhla Mkhwanazi, van politieke inmenging in die polisiediens. Reëlings word gefinaliseer om die groep gestrande sokkerspelers in Portugal terug te bring. Antiretrovirale middels in die drinkwater is nie 'n onmiddelike probleem nie, sê die die adjunkminister van Water en Sanitasie, Sello Seitlholo.

Talle mense is gestrand as gevolg van FlySafair-vlugte wat gekanselleer is weens 'n vlieënierstaking. Kanada verstewig handelsbande met die Wes-Kaap te midde van hoër Amerikaanse tariewe. Israel waarsku Palestyne om Sentraal-Gasa te ontruim.

Jayden-Lee Meek se vermeende moordenaar gaan vandag om borgtog aansoek doen. Defend South Africa eis die president se bedanking. Ons praat met ‘n kenner oor nabygeleë ruimtevoorwerpe wat 'n gevaar vir die aarde kan inhou. 'n Teaterproduksie oor mensehandel en misdaadsindikate het feesgangers by die Vrystaat Kunstefees aan die praat.

Roelf Meyer en professor Tinyiko Maluleke is aangestel as die voorsitters van die beplande Nasionale Dialoog. Die Verenigde Nasies veroordeel Israel se lugaanvalle op Sirië. Ons praat met Vrystaat Landbou oor veiligheid aan die Lesotho-grens. Kaderontplooiing kom onder die soeklig. 'n Nuusveteraan praat oor SABC NUUS se 75ste herdenking.