Kritiek teen die besluit om 'n student vyf jaar tronk toe te stuur nadat sy geld uitgegee het wat verkeerdelik deur NSFAS aan haar oorbetaal is. Die uittredende polisiekommissaris, Kehla Sithole, gooi wal oor die Julie-2021-onluste, veral wat die intelligensiediens betref. Op Corruption Wwatch se tiende verjaarsdag vra ons hoekom fluitjieblasers bestempel word as die hartklop in die stryd teen korrupsie. NUMSA waarsku dat sy lede in die bussektor gaan staak net voor Paasnaweek. ‘n Vermaning aan Suid-Afrika om nie die spot te dryf met Bafana-Bafana nie ná hulle 5-0 nederlaag teen Frankryk. Die Hubbleteleskoop ontdek die verste ster van aarde af.

Jy het slegs 48 uur tyd om kommentaar te lewer op die voorgestelde regulasies oor die bestuur van die Covid-19-pandemie. Die grasietydperk vir vervalle bestuuurslisensies verstryk môre - daar is egter steeds geen oplossing vir die agterstand nie. En hoe gemaak as jy steeds nie 'n nuwe lisensie kon kry nie? Die gevierde fotojoernalis, Rashid Lombard, se omvattende argief kry 'n nuwe tuiste. Alle oë is op die Parlement waar twee mosies van wantroue gedebatteer word. 'n Busstaking dreig nadat salarisgesprekke 'n pap wiel kry.

Die werkloosheidsyfer hou aan styg. Hernieude kommer dat korrupsie op munisipale vlak dienslewering belemmer. Suid-Afrika staan bakhand in die buiteland en vra vir nog beleggings. Sal jy jou motor moet inruil vir 'n perd? Ons kyk na aanstaande maand se verwagte brandstofpryse.

Twee langverwagte mosies van wantroue word vandeesweek in die parlement gedebatteer. Die migrasieproses na digitale uitsendings moet vandeesweek voltooi wees - sal die oorskakeling suksesvol wees? 'n Grap is 'n grap, maar jy spot nie met 'n ander man se vrou nie. Die kwessie van vergoeding vir vrouesportsterre is in die kollig. Ons kry die jongste nuus oor die naweek se tussenverkiesings in Zimbabwe.

'n Hofstryd broei oor nuwe tenderwetgewing. Nuwe navorsing wys hoe verskille in die spoed van klank op Mars, dit moeilik sal maak om ‘n gesprek te voer. 'n Pa kry tronkstraf oor onbetaalde onderhoud. Mense kan nou aansoek doen om erkenning as Khoisan-gemeenskappe.

Die vierde Beleggingskonferensie wil nog meer buitelandse beleggings lok. Honderde miljoene Rand vloei na Kuba vir weermagopleiding. Sarkasme en die gerol van oë in die werkplek kan jou moontlik jou werk kos. Die vroue krieketspan is een stap nader aan Wêreldbekerglorie. As deel van Waterweek ondersoek ons die Gamtoosvallei se waterprobleme.

Die trane rol ná adjunkpresident David Mabuza se besoek aan Distrik Ses in Kaapstad. Suid-Afrika se vredesresolusie oor Oekraïne by die Verenigde Nasies laat die wenkbroue lig omdat dit nie Rusland veroordeel nie. Amnestie Internasionaal is nie tevrede met die trant van boodskappe wat vandeesweek deur veral die regering oor Menseregtedag uitgestuur is nie. Inflasie bly onveranderd, maar rentekoerse sal na alle waarskynlikheid steeds verhoog word.

Die aandag word op Wereld Waterdag op brougroen alge in besoedelde water gevestig; 'n Suid-Afrikaner wat pas uit Rusland teruggekeer het vertel van sy ervaring; en die kredietburo Transunion kan 'n boete van tot tien miljoen rand kry na kuberkrakers toegang tot mense se persoonlike inligting gekry het.

Rusland rig 'n ultimatum aan Oekraïne oor die hawestad Marioepol, maar dié land sê hulle sal tot die laaste aanhou veg. Menseregtedag begin met nog 'n noodlottige skietery in Khayelitsha in Kaapstad. Politieke partye fokus die aandag op Menseregtedag op armoede en die gebrek aan dienslewering.

Son- en windkragprojekte, eerder as 'n kragskip, sou reeds kon bydra tot die land se energievereistes – ja, dis 'n jaar sedert die Karpowership-kontrakte toegeken is. Telekommunikasiereuse steek die hand diep in die sak om breëbandspektrum te bekom. Menslike foute by die Koeberg-kragstasie dompel die land amper weer in die donker. Die president sal "binne dae" die land toespreek oor die Covid-maatreëls - wat kan ons verwag? Die Notre Dame steek al die jare 'n geheim weg.