Nog 'n leier los die DA. Pretoria spog met vyf jagluiperdwelpies. Marizanne Kapp die Kiwis op die krieketveld! Sir Rod Stewart (of is dit nou sir Road Stewart) sit hand by om slaggate te vul. Die Mededingingskommissie wil 'n einde bring aan groot maatskappye se oorheersing van verskeie sektore.

Die Oos-Kaapse Onderwysdepartement moet alle uitstaande leermateriaal voor die einde van die maand by skole aflewer. Suid-Afrika kan dalk sy eie olie begin vervaardig. Die parlementêre proses om die Openbare Beskermer te verwyder gaan voort. Nog 'n hofsaak dreig oor die verlenging van die ramptoestand. Oekraïne se president, Wolodimir Zelenski, sê vredesamesprekings met Rusland vorder flink. 'n Skildery van 'n Suid-Afrikaner inspireer 'n wêreldbekende komponis om musiek te skryf.

Advokaat Dali Mpofu word berispe vir sy gedrag tydens die ondersoek na staatskaping. Die regering verleng wéér die nasionale ramptoestand. Die weerdiens voorspel hewige reënbuie oor groot dele van die land. 'n Nuwe verslag verbind die ANC met toenemende onstabiliteit in Suid-Afrika. SADEK-magte in Mosambiek sit die stryd teen terreur voort. Afgevaardigdes van onder meer Pole en die Tsjeggiese Republiek is in Kiëf vir 'n vergadering met Oekraïne se president. Ons vra: Wat is jou regte wanneer dit kom by die uitneem en hantering van skuld?

Die Burgerlugvaartowerheid en Comair werk hard om vlugte te hervat. Die Voertuigsektor Personeelvereniging wil betrek word by die samestelling van die brandstofheffing. Die DA stel 'n amnestietydperk voor vir ongedokumenteerde buitelanders in die land.

Slinkse misdadigers hou buurtwagte in Gauteng besig. Burgerregtegroepe vra dat die regering die migrasieproses na digitale televisie uitstel. Rusland nader Suid-Afrika om as bemiddelaar in die konflik tussen Rusland en Oekraïne op te tree. 'n Waarskuwing deur versekeraars oor die installering van alternatiewe kragtoerusting. 'n Storm van 'n ander aard saai verwoesting in die Noord-Kaap.

Suid-Afrikaners is die josie in oor die voormalige minster van maatskaplike dienste, Bathabile Dlamini, se vals getuienis. Maar, wat is meineed? En hoe sal sy daarvoor gestraf kan word? Die newe-effekte van die Covid-19-inenting kry opnuut aandag. 'n Geskiedkundige vonds laat historici sprakeloos. Harde woorde val by die CITES-vergadering oor ivoorhandel. Die Suid-Afrikaanse Subtropiese Kwekersvereniging is bekommerd oor die toename in avokadodiefstal. Die voortslepende konflik in Oekraïne het selfs 'n impak op internasionale ruimteverhoudinge.

Eskom sit jou ligter vir langer af. Boere is bekommerd oor die moontlike ontwrigting van die verspreidingsketting. Woede oor 'n oormaat huiswerk vir leerders kry momentum. Ons hou jou op hoogte van die jongste verwikkelinge in Oekraïne, en hoe dit jou kan raak. Daar is opnuut oproepe dat die grasietydperk vir bestuurderslisensies verleng moet word tot ná einde Maart. Gauteng fokus op ekonomiese herstel in sy begroting. En, die donkie is 'n wonderlike ding…

Internetdienste vir almal? Die veilingsproses vir breëbandspektrum begin vandag. Omkoopgeld of geen geld - jong dokters in Gauteng kry swaar. 'n Suid-Afrikaanse vrou sit hand by om mens en dier in Oekraïne te red. Beurtkrag tot vyfuur Saterdagoggend. Die nasionale sensusopname neem langer as wat verwag is.

Stede in Oekraïne word steeds deur mortiere en geskut gebombardeer. Brandstof- en kospryse styg weens die konflik - die goeie nuus is dat daar nie 'n tekort aan kos verwag word nie. Basta met maskers en die inperking eis Suid-Afrikaners. Die stryd is aan oor die regte naam van die Tyranousourus Rex. Udo Carelse berig dat die krieketlegende, Shane Warne, 'n staatsbegrafnis sal kry.

Verskeie stede in Oekraïne lê in puin. Rusland word van kernterreur beskuldig ná 'n aanval op 'n kernaanleg. Multichoice en SANEF reageer intussen op die feit dat daar wêreldwyd geen toegang is tot die Russiese TV-nuuskanaal, Russia Today. Inwoners van Aberdeen, Nieu-Bethesda en Klipplaat word gevra om hulle drinkwater te kook voor hulle dit gebruik. Op Wêreld Vetsugdag waarsku die Wêreld Gesondheidsorganisasie dat 340-miljoen kinders in die wêreld oorgewig is.