Spitstyd

RSG plaas die kollig op die werk wat welsynsorganisasies en sorgsentrums doen en hulle behoeftes. (Matlosana Diereskuiling)

Elvis Blue kuier in die Spitstydateljee.

Hy vier vanjaar twee dekades in die musiekbedryf. Sy eerste album het in 2003 verskyn. Al sy albums het goue-, platinum- of dubbelplatinum-verkoopstatus gekry. Hy was bloedjonk toe hy sy treffers EK WIL MY BABY HÊ VANAAND, ROCK DAAI LYFIE, GENERAAL en VERGEET EN VERGEWE vrygestel het, en nou op 44-jarige ouderdom spandeer hy baie tyd aan die inwin van algemene kennis én finansiële kennis. Hierdie energieke sanger kuier aan’t huis by Henco met ’n c, en die twee manne eet Coco Pops en kaas. Waar bêre Nicholis Louw sy boeke? Op sy boek-rock!

Die manne van ADAM is terug in die kollig. Die publiek het reeds in 2011 met hulle kennis gemaak. Sewe albums en vier enkelsnitte later het die groep al talle treffers tot die Afrikaanse musiekgenre gevoeg. Van hulle grootste treffers is: SAL OORLOG VIR JOU MAAK, HOOGTEVREES en LIEFDE SOLDAAT. Die groep bestaan uit drie lede, Kyle, Christoff en Hugo. Hulle het reeds op verskeie geleenthede duisende mense regoor Suid-Afrika met hulle indrukwekkende, drieledige harmonië vermaak. In hierdie aflewering vertel Kyle en Christoff openharting (en beide van hulle voltydse skoolonderwysers) hoe uitdagend die Afrikaanse musiekbedryf is. Hulle gesels onder andere ook oor die besit en huur van vaste eiendom, wat aansluit by ADAM se nuutste trefferliedjie, HUURVRY.

RSG plaas die kollig op die werk wat welsynsorganisasies en sorgsentrums doen en hulle behoeftes. (Louis57 Stigting)

Willem Pelser praat met Kip Moore oor sy toer na Suid-Afrika en waar sy liefde vir Countrymusiek begin het.

Die broer-duo, Droomsindroom, het kort na die pandemie se grendeltyd groot opslae gemaak met hulle debuutenkelsnit, Hey Sonneblom. Dis ’n goedvoelliedjie en die sonneblom waarna daar verwys word is ’n metafoor vir die persone in elkeen van ons se lewe wat somer én sonskyn gedurende jou donkerste tye bring. Hierdie liedjie van die Schlebusch-boeties, Kirsten (23) en Kyle (16), boer die afgelope jaar boaan Apple Music se Afrikaanse trefferlys. Dit het hulle ook ‘n plek op verlede jaar se uiters gewilde en suksesvolle Afrikaans Is Groot-verhoog besorg. Henco Kruger het Kirsten en Kyle se bestuurder en ma saam genooi om ook by haar uit te vind wat dit verg om die groep finansieël en operasioneel suksesvol te bestuur.

RSG plaas die kollig op die werk wat welsynsorganisasies en sorgsentrums doen en hulle behoeftes. (Hoër Meisieskool Sans Souci, Nuweland, Kaapstad)

Die realiteitsprogram, Boer Soek ‘n Vrou, het vir heelwat troues en babas gesorg, maar nog net een sangduo. Richann Brussow het in Suid-Afrikaners se harte geklim tydens die 13e seisoen van die reeks toe hy gesoek het vir die vrou van sy lewe. Kort ná die laaste episode hy en een van die deelnemers Suid-Afrika as die sangduo, Reën, verras met hulle eerste enkelsnit, Vrystaat Vlaktes. Dit het oornag ‘n groot treffer geword. Aanpassings aan sy finansies, boerdery én sy sangloopbaan was vir hierdie boer van Vredefort en Viljoenskroon nodig, veral toe hy ‘n nuwe sangmaat vir Reën moes vind. Die finansiële bestuur van ‘n sangloopbaan werk heelwat anders in die geval van ’n duet, want dan is daar twee hoofsangers wat vergoed moet word. Wanneer hy nie op die langpad toer of met skape boer nie, plant en oes hy liedjies by sy tuisateljee op sy plaas, wat hy die Liedjieplaas gedoop het.

Louise Jooste, RSG se sakebestuurder, en Kobus Burger, RSG se programbestuurder, gesels met Willem Pelser oor die programveranderings wat op 1 April 2023 in werking tree.