Die Skoleondersteuningsentrum het die top-Afrikaanse skole in die land tydens ’n prysuitdelingsgeleentheid vereer. Die beste Afrikaanse skool, met ’n gemiddeld van 4,09 onderskeidings per leerder en 577 onderskeidings in totaal, is die Hoër Meisieskool Bloemhof in Stellenbosch. Carla Mackenzie, Spitstyd se regisseur en ‘n oud-Bloemhoffer, het met die skoolhoof, Wilna van Heerden, oor die prestasie gepraat.

RSG plaas die kollig op die werk wat welsynsorganisasies en sorgsentrums doen en hulle behoeftes. (Anco Dempers van Bloemfontein)

Het jy al gewonder hoe jy jou familievideo’s op jou foon kan omskep in een mooi video, maar weet nie hoe om dit te redigeer nie? Ettienne Ludick sê daar is ‘n videoredigeringstoepassing vir slimfone vir amateurvideograwe.

Nataniël en Henco Kruger versoen die twee wêrelde van geld en kuns met mekaar. En tussendeur bak hulle koekies…

RSG plaas die kollig op die werk wat welsynsorganisasies en sorgsentrums doen en hulle behoeftes. (McGregor Young Warriors Bergfietsakademie)

Ettienne Ludick praat oor 'n veldtog wat weg wil doen met filters wat foto's mooier laat lyk; en 'n toepassing wat mense help om hulle reuksintuig te verbeter ná Covid.

Ons is al so geprogrammeer om mense in boksies te plaas. Henco Kruger het verwag om die heeltyd te lag tydens sy kuier by veteraanakteur Tobie Cronjé, maar iewers het die lag in huil verander. Kom huil en lag saam met Henco en Tobie.

RSG plaas die kollig op die werk wat welsynsorganisasies en sorgsentrums doen en hulle behoeftes. (Truth Heals)

Mac of Windows? Dis die groot skootrekenaar debat. Die verskil tussen Windows- en Appleskootrekenaars kom neer op die sagteware en verbruikerservaring.

Met sy ronderaambril, dik swart baard en mooi lirieke wat hy skryf, is hy vir Henco Kruger die Afrikaanse weergawe van John Lennon. John-Henry Opperman is te sien in flieks soos Roepman, Musiek Vir Die Agtergrond en An Act of Defiance. Hy is lid van Klopjag en skrywer van ikoniese liedjies soos Stof, Dalk ‘n Boerseun en 24 uur. In die vroeë jare 2000 was koshuise gevul met Klopjag se CD’s. Hoe het hy destyds geld uit musiek gemaak? Delf John-Henry en sy vrou, Beáte, in mekaar se geldsake?