Spitstyd

Henco Kruger kuier by aktrise Lindsey Cele, wat verpleegster Chanel Samuels in Binnelanders speel. ABBY, wat staan vir relentlessly passionate, is een van die versamelings in Lindsey se juweliersreeks. Hoor hoekom dié naam so gepas is om hierdie aktrise en entrepreneur se dryfkrag in die lewe te beskryf. Lindsey en Henco kuier op die stel van Binnelanders waar sy en haar man verloof geraak het. Sy vertel hoe hulle as jong getroudes hulle finansiële sake bestuur, en hoe vryskutwerkers in die vermaaklikheidsbedryf hulle finansiële geletterheid kan opskerp.

Twee mense wat mekaar al naastenby 20 jaar ken kuier saam - die een 'n oudonderwyser en die ander sy oudleerling. Daar was ‘n kêrel met ‘n vreeslike kuif wat vir Henco Kruger Afrikaans op skool gegee het. Daardie onderwyser was mnr. Jako Roux. Ons almal ken hom as sanger, liedjieskrywer, digter en TV-aanbieder, Jak de Priester. Hy was in sy lewe deel van drie professionele beroepe: onderwys, musike en eiendomme. Jak de Priester praat oor finansies, eiendomsbeleggings en oorlewing in hierdie onsekere tye.

RSG plaas die kollig op die werk wat welsynsorganisasies en sorgsentrums doen en hulle behoeftes. (AGS Welsyn)

Ettienne Ludick praat oor video-oproepe wat dalk binnekort met hologramme vervang sal word.

In die vorige episode het luisteraars aan die veteraanakteur en legende van die Suid-Afrikaanse vermaaklikheidsbedryf, Hans Strydom, se lippe gehang toe hy met Henco Kruger gesels het oor akteurs se plek in die finansiële wêreld. Henco sit sy gesprek voort met die akteur, wat ná 50 jaar steeds met groot sukses in die vermaaklikheidsbedryf staan. In Henco se wêreld van markte en finansies is Hans Strydom vir hom soos die swaargewig Naspers/Prosus van die vermaaklikheidsbedryf.

RSG plaas die kollig op die werk wat welsynsorganisasies en sorgsentrums doen en hulle behoeftes. (CHANGENET-SA)

Ettienne Ludick praat oor NASA wat nuwe ruimtevaarders soek vir ‘n maansending.

Die veteraanakteur en legende van die Suid-Afrikaanse vermaaklikheidsbedryf, Hans Strydom, gesels oor akteurs se plek in die finansiële wêreld. Hy gee raad oor die beleggingsdeel van vryskutwerkers se geld asook welvaartbeplanning tydens hulle loopbaan ten einde eendag goed af te tree. Hy vertel vir Henco Kruger van sy passie vir die regverdige behandeling en behoorlike vergoeding van mense in die uitvoerende kunste. Henco het ‘n in-diepte geldgesprek met die man wat ná 50 jaar steeds met groot sukses in die vermaaklikheidsbedryf staan.

RSG plaas die kollig op die werk wat welsynsorganisasies en sorgsentrums doen en hulle behoeftes. (Champion of Hope)