នៅ​ស្រីលង្កា ជាច្រើន​សប្តាហ៍មកហើយ ដែល ប្រជាពលរដ្ឋ​ ​រាប់​ពាន់នាក់ ធ្វើ​បាតុកម្ម​ទម្លាក់​រដ្ឋាភិបាល​​ និង​ទាមទារដេញ​ប្រធានាធិបតីចេញពីតំណែង​។ ដើមហេតុ​ព្រោះតែ​វិបត្តិ​សេដ្ឋកិច្ច​ធ្ងន់ធ្ងរ ដែលហ្វូង​​បាតុករ បាន​​ចង្អុរ​មុខ​​ថ្នាក់ដឹកនាំប្រទេស​ ថា​ជាអ្នក​ទទួល​ខុសត្រូវ​។ ​នៅ​ក្រុងកូឡុំបូ (Colombo) ​​​ក្រុមអ្នក​តវ៉ាមួយ​ចំនួន​​ អះអាង​​ថា​មិន​បញ្ឈប់​បាតុកម្ម​ឡើយ​ បើ​គ្មាន​ការ​ផ្លាស់ប្តូរ​​រដ្ឋាភិបាល​ទេ។​ តើ​មូលហេតុអ្វី​បាន​ជា ​ស្រីលង្កា ​ធ្លាក់​ដល់​ដំណាក់​កាល​នេះ​? ​