ស្ថានការណ៍ឆ្លងរាលដាល ជំងឺកូវីដ​១៩ នៅកូរ៉េខាងជើង កំពុងតែបង្កឲ្យ​មានការព្រួយបារម្ភ កាន់តែខ្លាំង។ បន្ទាប់ពីបានប្រកាសថាមានមនុស្សស្លាប់ ៦នាក់ កាលពីថ្ងៃសុក្រ នៅថ្ងៃសៅរ៍នេះ របបផ្តាច់ការកូរ៉េខាងជើង បានប្រកាសថាមាន២១នាក់ទៀត បានស្លាប់ រីឯអ្នកដែលកំពុងឈឺដោយអាការៈក្តៅខ្លួនខ្លាំងវិញ មានប្រមាណជាង​៥សែននាក់។ អ្វីដែលជាការព្រួយបារម្ភបំផុតនោះ គឺ​ក្នុងចំណោម​ប្រជាជនកូរ៉េខាងជើង ប្រមាណ​​២៥លាននាក់ គឺគ្មាននរណាបានទទួលការចាក់វ៉ាក់សាំងទេ ហើយជាងនេះទៀត ប្រព័ន្ធសុខាភិបាល​ប្រទេសនេះ គឺទន់ខ្សោយ​ខ្លាំងណាស់។