Summarmorgun

Gestir í sendingini: Omondi Reagan Ayodo og Fía Niclasen

Gestir hesa ferð: Jákup Petur Eliassen, Jóannes Jakobsen og Rannvør Fríða Eyðunsdóttir.

Gestir í sendingini eru Helgi Winther Olsen og Holgar Jacobsen.

Nýggi báturin, ið kostar um 8 milliónir krónur, er bygdur á KJ-Hydraulik. Við nýggja bátinum verður arbeiðið munandi effektivari, samstundis sum umstøðurnar umborð gerast betri.

Tú kanst hoyra samrøðuna við stjóran á Ocean Rain Forest, Ólav Gregersen, her!

Hin 3. september 1957, sama árið, sum Útvarp Føroya fór at senda, fór Sigurd Petersen til arbeiðis á bedingini í Fuglafirði á fyrsta sinni, og í dag - júst 64 ár seinri, gevst Sigurd at arbeiða á bedingini, har hann hevur starvast øll árini.

Vit hava verið og vitjað Sigurd Petersen á bedingini í Fuglafirði,

Tú kanst hoyra samrøðuna her!

Hann var røddin, sum rammaði stoltasta sigurin í danskari ítróttarsøgu inn og uppfann í ovafarakæti orðið Hutlihut í frásøgn síni frá EM-finaluni í fótbólti í 1992, tá Danmark vann. Nú er hann komin til Føroyar at síggja Danmark og Føroyar dystast á Tórsvølli leygarkvøldið.

72 ára gamli Flemming Toft er ein av kendastu donsku ítróttarfrásøgurøddunum seinnu árini. Mest kendur man hann vera sum maðurin, ið legði ljóðsporið til dystirnar hjá Danmark í EM-endaspælinum í fótbólti í 1992 sum frásøgumaður hjá TV-2, ið sendi dystirnar í donskum sjónvarpi.

Fyri triðju ferð eru temadagar á Glasi, har allir næmingar og lærlingar á gymnasialum miðnámi og yrkisnámi arbeiða tvørfakliga við einum tema ella evni. Og evnið í ár er 1980-árini. Samstundis eru Norðurlendskir Tónleikadagar 2021 á palli í Havn, og frá klokkan 2 til 4 seinrapartin verður høvi hjá almenninginum at uppliva bæði tema- og tónleikadagarnar á Glasi.

Tú kanst hoyra samrøðuna við Elsu Mariu Holm Olsen og Sine Tofte Hannibal her!

Mikudagin byrja Nordic Music Days 2021, ið er heimsins elsti tónleikafestivalur, tá ið talan er um eksperienterandi ella nýskrivaðan tónleik, fyri fyrstu ferð í Føroyum. Vit fregnast um forvitnisligu skránna hjá Sunleifi Rasmussen.

Tú kanst hoyra samrøðuna her!

Tjóðsavnið umsitur allar friðaðar bygningar í Føroyum. Men hvør er mannagongdin, tá ið bygningar verða friðaðir, og hvørjir bygningar verða friðaðir, og kanska eisini hvørjir bygningar eiga at verða friðaðir? Og í hvønn mun skulu kommunurnar eisini vera við?

Hesar og aðrar spurningar umrøða vit saman við Herleifi Hammer, stjóra á Tjóðsavninum.

Tú kanst hoyra samrøðuna her!

Í dag verður mest sum alt tilfar goymt talgilt. Hvørjar eru avbjóðingarnar av hesum, tá ið vit hugsa um arkivering ella goymslur í dag? Hvør og hvussu verður avgjørt, hvat ið verður goymt og kanska eisini hvar ið tað verður goymt? Og í hvønn mun er søguligt tilfar tókt hjá almenninginum?

Hesar og aðrar spurningar umrøða við Sámal Tróndur Finnson Johansen, ið er tjóðskjalavørður og stjóri á Tjóðskjalasavninum í Føroyum, og Hrefnu Robertsdóttir, ið er stjóri á íslendska tjóðskjalasavninum, nú Vestnordisk Arkiv Konference - ella Útnorður Skjalaráðstevna, verður hildin í Føroyum.