Summarmorgun

Lesandi á miðnámi fáa studning eftir, um tey eru 18 ár, og um tey búgva heima ella úti. Lesandi á hægri útbúgving fáa øll 4315 krónur, og so eru eyka ískoyti til forsyrgjarar og einligar forsyrgjarar, sum eisini fáa studning 12. mánaðin, meðan hini fáa 11 mánaðir um árið.

Tú kanst søkja studning talgilt, sum Studni ynskir, at øll gera, ella í pappírsformi. Studningurin fyri nýggj lesandi kemur á konto 15. septembur, og fyri tey, sum longu eru lesandi, kemur hann síðst í august mánaði sum vant.

Stjórnarskipanin er, sambært løgmanni, eitt so týdningarmikið mál, at politiski myndugleikin ikki hevur heimild at taka avgerð um tað einsamallur. Samgonguflokkarnir halda, at vit mugu staðfesta í einum skjali, at føroyingar hava evsta valdið í Føroyum, og at fólkið skal atkvøða um hana. Sambandsvongurin heldur hinvegin, at ein føroysk stjórnarskipan er óneyðug og ger seg inn á verandi ríkisrættarligu støðu.

Hoyr fyrstu sending um sjtórnarskipan her: Fólksins lóg - hvat er ein stjórnarskipan (1:4)

Eiler Fagraklett, nevndarlimur í LGBT Føroyum, heldur, at orsøkin til, at sálarheilsan hjá LGBT'arum er verri enn hjá hinskyndum, er tí at LGBT'arar uppliva fordómar og útihýsing í gerandisdegnum.

Tað er torført at siga, hvussu nógv ferðafólk hava vitjað Føroyar seinastu mánaðirnar, tí vit hava eingi hagtøl, men út við 200.000 fólk, metir Edward Leo við fyrivarni. Nakrar avbjóðingar eru, tí ferðafólk fara út um bøgarðar, og tað kann vera strævið hjá einari bygd at fáa fleiri bussar við ferðafólki á vitjan sama dag. Nøkur viðurskifti eru skipað, men alt er ikki skipað enn.

Í Summarmorgni

Greta Svabo Bech og sjeikurin eru nú búsitandi í Miðvági, har tey eisini gera sítt egna studio, eins og tey komandi mánaðirnar ætla at útgeva eitt nýtt staklag hvønn mánað.

At enda í samrøðuni er brot úr nýggjasta staklagnum "Shut up & sing".

Hansina Iversen, listakvinna, sigur frá um framsýningina.

Í Summarmorgni sigur Sanne Slomonsen okkum eitt nú hvussu hon stríddist seg aftur til lívið, og í hvønn mun lívsvirðini eru broytt. Sanne, sum verður á føroyskum palli 6. juli, tosar eisini um hetta at hava konsertir í Føroyum.

Sandoyggin er vorðin væl umtókt ferðamál. Bæði útlendingar og føroyingar, sum ferðast í egnum landi, koma í oynna. Hús verða leigað út, og nýggi Depilin í Skálavík hevur eisini stóran týdning fyri ferðavinnuna.

 

Fríðtór Debes, leiðari á Sandoyar kunningarstovu, letur væl. Elis Poulsen hitti hann í morgunsendingini.

Í Havn býr so nógv fólk, at tað er trupult at býta grind. Men skipanin, sum kommunan settí verk fyri nøkrum árum síðani um at býta til býarpartar, er góð, heldur Bergur P.Dam. 

 

Hann og Finnbogi Midjord, sýslumaður, skiftu orð um grindabýti í morgunsendingini.