ការធ្វើ​ដំណើរ​ពី​ស្ថានីយ៍អវកាស​អន្តរជាតិ​ត្រឡប់​មក​ផែនដី តាម​យាន​សូយូស ត្រូវ​ចំណាយ​ពេល​សរុប​ ៣ម៉ោង​កន្លះ ក៏ប៉ុន្តែ មុននឹង​ចាប់ផ្តើម​ដំណើរ​នេះ គេ​ត្រូវ​ត្រៀម​រៀបចំ​ជាមុន​ជាច្រើន​សប្តាហ៍ ជាពិសេស គឺ​ត្រៀម​ទីតាំង​សម្រាប់​យាន​ចុះចត និង​គណនា​គន្លង​ផ្លូវ ដែល​ត្រូវ​ធ្វើ​ដំណើរ ដើម្បី​អាច​ចុះចត​ឲ្យ​ចំទីតាំង​ដែល​បាន​កំណត់ ក្នុងល្បឿន ក៏ដូចជា​រង្វាស់​មុំសមរម្យ សម្រាប់​សុវត្ថិភាព​របស់​អវកាសយានិក។