ដាណឺម៉ាក​ បោះឆ្នោត​ប្រជាមតិ​ នៅថ្ងៃពុធ ទី​១ មិថុនា​​ ដើម្បី​សម្រេច​ចូល​ក្នុង​«នយោបាយការពារជាតិ​រួមរបស់​សហភាព​អឺរ៉ុប» ក្រោយ​ពី​បដិសេធ​មិនចូលរួម​អស់រយៈពេល​ ៣០ឆ្នាំ​កន្លងទៅនេះ។  ដាណឺម៉ាក គឺ​ប្រទេស​ស្ថានិក​មួយ របស់​អង្គការ​សម្ព័ន្ទ​យោធា​អូតង់ តែការ​បោះឆ្នោត​ប្រជាមតិ​ចូល«នយោបាយការពារជាតិរួមរបស់សហភាពអឺរ៉ុប» ថែមទៀត គឺ​បង្ហាញ​យ៉ាង​ច្បាស់ថា ដាណឺម៉ាក ក៏​ព្រួយបារម្ភពីសន្តិសុខ ក្នុងបរិបទនៃសង្គ្រាមឈ្លាន​ពាន​របស់​រុស្ស៊ី​នៅអ៊ុយក្រែន ហើយ​ដាណឺម៉ាក់ ចង់​ពង្រឹង​ពង្រីក​ផ្នែក​សុវត្ថិភាព​សន្តិសុខ​ជាបន្ថែមទៀត​។ ហើយ​ទន្ទឹម​នឹង​គ្នា​នេះ ក៏​ទំនង​ជា​ដាណឺម៉ាក ចង់​ចូល​រួម​សមរណកម្ម​ជាមួយ​សហភាព​អឺរ៉ុប ឲ្យ​បាន​ច្រើន​ជាង​មុន​ដែរ​។