ហានិភ័យបង្កឡើងដោយ​វិបត្តិអាកាសធាតុសកល គឺជាក្តី​ព្រួយ​បារម្ភ​ធំឡើងៗ ដែលរបាយការណ៍ស្រាវជ្រាវវិទ្យាសាស្រ្ត​​កាន់តែច្រើន បាន​សន្និដ្ឋាន។ គ្រោះទឹកជំនន់ ការ​បាក់រមៀលដី ភ្លើងឆេះព្រៃ ខ្យល់ព្យុះជាដើម។ល។ ដែល​កាន់តែមានភាពសាហាវធ្ងន់ធ្ងរ ដោយសារតែបម្រែបម្រួលអាកាសធាតុសកល បង្កឡើងដោយ​ការកើនឡើងកំដៅផែនដី។ យើងតាមរបាយការណ៍មួយ​ ចេញផ្សាយ​នៅថ្ងៃចន្ទទី​២០កុម្ភៈ គឺដែនដីតំបន់មួយចំនួននៅ​ប្រទេសចិន និង​នៅសហរដ្ឋអាមេរិក មានការប្រឈមខ្លាំងបំផុត ទៅនឹងហានិភ័យអាកាសធាតុទាំងនេះ បើប្រៀបធៀបទៅនឹងប្រទេសផ្សេងៗទៀត​។ ជាហានិភ័យ​ប្រឈម ដែលអាច​​ធ្វើឲ្យតំបន់ទាំងនេះ បាត់បង់នូវសក្តានុពលសេដ្ឋកិច្ច ព្រមទាំងប៉ះពាល់ដល់អាយុជីវិតរបស់​ប្រជាជន​ផងដែរ។