ថ្ងៃអាទិត្យ ទី​២២ឧសភា  រាជធានីបាំ​ងកក  បាន​រៀបចំ​បោះឆ្នោត​​ជ្រើសរើស​ អភិបាល​​ថ្មី​ បន្ទាប់​ពី​​បាន​អាក់ខាន​តាំងពី​ឆ្នាំ ២០១៣​​។  នេះ​គឺ​ជា​បោះឆ្នោត​ធំដុំ​ លើក​ទី១ បើគិត​ចាប់​តាំង​ពី​មាន​ផ្ទុះ​មហាបាតុកម្ម​ប្រជាធិបតេយ្យ​ឆ្នាំ​២០២០មក។ រាជធានី​បាំងកក បា​នចំណាយគម្រោងថវិកា ​​៨០ ពាន់​លាន​បាត ដើម្បីរៀបចំ​ការបោះឆ្នោត​អភិបាល​ក្រុងនេះ។ ចាប់ពីម៉ោង៥-៦ល្ងាច  គេបិទការិយាយបោះឆ្នោត ហើយផ្តើមរាប់សន្លឹកឆ្នោត និងដោះស្រាយវិវាទនានាដែលអាចកើតមាន មុននឹងបញ្ចូលលទ្ធផលទៅគណៈកម្មាធិការរាជធានីរៀបចំបោះឆ្នោត។ លទ្ធផលជាបឋម តែមិនផ្លូវការ គឺ គេរំពឹងថាអាចនឹងដឹង នៅអំលុងម៉ោង៩យប់។