Þjóðmál

By ÞjóðmálSociety & Culture

Favorites
39
Followers
Typical duration
93 min
per episode

Based on Podcast App listening data

Þjóðmál episodes

March 08, 2022 #65 – Úrslit í prófkjörum krufin með kampavíni – Bókhaldsbrellur í borginni – Framboð í beinni útsendingu
Andrés Magnússon og Stefán Einar Stefánsson frá Morgunblaðinu fara yfir úrslit úr öllum helstu prófkjörum sem búið er að halda, hver unnu og hver töpuðu, hvaða áhrif niðurstöðurnar hafa, hvers má vænta úr þeim prófkjörum sem eftir eru og undirbúning sveitarstjórnarkosninga í vor. Þá er fjallað um bókhaldsbrellur Reykjavíkurborgar sem eiga að fegra slæman fjárhag borgarinnar, hvort það hafi verið í lagi að tilkynna um framboð í beinni útsendingu í svonefndum skemmtiþætti í sjónvarpi ríkisins og ýmislegt fleira.
1 hr 12 min
February 25, 2022 #64 – Vesturlönd þurfa að standa með Úkraínu í orði og á borði – Björn Bjarnason fer yfir stöðuna
Björn Bjarnason, fv. ráðherra, hefur fylgst með alþjóðastjórnmálum í áratugi. Hann ræðir hér um innrás Rússa inn í Úkraínu, brjálaðar hugmyndir Pútíns um afturhvarf til keisaratíma, stöðu og áhrif vestrænna ríkja sem munu þurfa að bregðast við innrásinni, áhrifin á samstarf ríkja í Evrópu, áhrifin sem þetta ástand kann að hafa hér á landi og hvaða hlutverki Ísland getur gegnt. Þá svarar hann einnig spurningum um það hvort að vestrænir stjórnmálaleiðtogar séu of veikgeðja til að takast á við hrotta á borð við Pútín.
1 hr 6 min
February 18, 2022 #63 – Verbúðin – Lokakafli og uppgjör – Hvernig varð kvótakerfið til?
Þjóðin hefur legið yfir sjónvarpsþáttunum Verbúð á síðustu vikum, enda verður ekki annað sagt en að þættirnir séu frábært afþreyingarefni. Í framhaldi af því má þó velta fyrir sér hvernig þessi saga varð til. Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi, og Ragnar Árnason, prófessor í hagfræði, fara yfir það hvernig og hvenær fiskveiðistjórnunarkerfið – sem við í daglegu tali þekkjum sem kvótakerfið – varð til íslenskum sjávarútvegi, hvaða afleiðingar það hafði, hverjir hafa hagnast á því og hvort að til séu betri kerfi til að nýta þær miklu auðlindir sem finna má í hafinu.
1 hr
February 11, 2022 #62 – Hiti í hagkerfinu og kulnun í umferðinni – Helgarvaktin fer yfir málin
Konráð Guðjónsson, aðalhagfræðingur Stefnis sjóða, og Þórður Gunnarsson, hagfræðingur sem gefur kost á sér í 4. sæti í prófkjör Sjálfstæðisflokksins fyrir borgarstjórnarkosningar, fara yfir stöðu mála í hagkerfinu, það hvort að vextir Seðlabankans hafi lækkað of hratt og séu að hækka of mikið, hvaða áhrif stuðningsaðgerðir ríkisins hafa haft í heimsfaraldri og hvaða áhrif það mun hafa þegar og ef af þeim verður látið. Þá er einnig fjallað um rekstur Reykjavíkurborgar og það hvaða efnahagslegu áhrif það hefur ef skipulagsmál eru í ólestri, hvaða þróun mun eiga sér stað í atvinnumálum höfuðborgarsvæðisins og margt fleira.
1 hr 7 min
February 08, 2022 #61 – Brynjar Níelsson – Maður sátta og samlyndis, svona að mestu
Brynjar Níelsson, sem nú starfar sem aðstoðarmaður dómsmálaráðherra, mætir sprækur eftir erfitt haust. Í þessum þætti fjallar hann um þær afleiðingar sem felast í því að færa réttvísina úr réttarsal yfir á samfélagsmiðla, um þá gagnrýni sem kom fram þegar Brynjar var valinn aðstoðarmaður, hvort að tíðarandi hafi áhrif á réttarfar, ólöglega framlengingaráætlun ríkisstjórnarinnar í sóttvarnarmálum og margt fleira.
1 hr 1 min
January 31, 2022 #60 – Vágesturinn sem verðbólgan er og framlengingaráætlun sóttvarna
Óli Björn Kárason, þingflokksformaður Sjálfstæðisflokksins, og Svanhildur Hólm Valsdóttir, framkvæmdastjóri Viðskiptaráðs, ræða um áhrif verðbólgu á efnahagslífið, möguleg áhrif á kjarasamninga, það hvort að Seðlabankinn sé á réttri braut, hvort að sveitastjórnarkosningar kunni að hafa neikvæð áhrif á hagkerfið, ákvörðun stjórnvalda um að framlengja sóttvarnarráðstöfunum – og hvaða áhrif þetta allt hefur á stjórnmálin og samstarf ríkisstjórnarflokkanna.
1 hr 16 min
January 22, 2022 #59 – Mannréttindi geta ekki verið gulrót fyrir góða hegðun í Covid
Stefán Einar Stefánsson stýrir þættinum og fær til sín þingmennina Sigmar Guðmundsson og Vilhjálm Árnason. Í þættinum er fjallað um það hvort að við séum komin langt fram úr meðalhófi með því að skikka um 25 þúsund manns í sóttkví og einangrun, með hvaða hætti stjórnmálin eiga að koma að málum þegar fjallað er um sóttvarnarráðstafanir, efnahagslegar ráðstafanir ríkisstjórnarinnar, stöðu atvinnulífsins í faraldrinum, hversu lengi fólk ætlar að sætta sig við miklar þvinganir og margt fleira.
58 min
January 14, 2022 #58 – Leikþáttur stjórnvalda heldur áfram en hvar er þingið?
Sigríður Á. Andersen og Þorsteinn Víglundsson fjalla um nýjustu aðgerðir stjórnvalda í sóttvarnarmálum, spurningarnar sem enginn er að spyrja, hlutverk stjórnmálamanna þegar tekist er á við faraldur, hvort og þá hvaða hlutverki Alþingi á að gegna í þessari vegferð, hversu mikið þetta er að kosta okkur, þróun lýðræðisríkja og margt fleira.
59 min
January 07, 2022 #57 – Stjórnkerfi Reykjavíkurborgar of stórt og of dýrt
Eyþór Arnalds hefur ákveðið að gefa ekki kost á sér á ný á lista Sjálfstæðisflokksins í Reykjavík. Eyþór fjallar hér um ástæðu þess að hann ákveður að hætta í stjórnmálum í bili, um væntanlegt mótframboð sem hann fékk áður en hann tilkynnti ákvörðun sína og um meinta óeiningu í borgarstjórnarflokki Sjálfstæðisflokksins í borginni. Þá fjallar Eyþór um fjárhagslega stöðu borgarinnar, sem er vægast sagt slæm, um framtíðina í samgöngumálum og brýnustu verkefnin sem Reykjavíkurborg stendur frammi fyrir.
46 min
January 03, 2022 #56 – Úr auga stormsins yfir í hollenskt ævintýri – Birna Ósk kveður (í bili)
Birna Ósk Einarsdóttir hefur látið af störfum sem framkvæmdastjóri sölu- og þjónustusviðs hjá Icelandair og mun nú í byrjun árs flytja til Hollands þar sem hún tekur við starfi framkvæmdastjóri markaðssviðs APM Terminals, dótturfélags skipafélagsins Maersk. Birna Ósk starfaði áður sem framkvæmdastjóri markaðs- og viðskiptaþróunarsviðs hjá Landsvirkjun og sem framkvæmdastjóri hjá Símanum um árabil. Í þættinum ræðir hún um þann storm sem Icelandair hefur farið í gegnum sl. tvö ár vegna heimsfaraldursins, framtíð íslenskrar ferðaþjónustu, reynsluna sem hún hefur öðlast sem stjórnandi í atvinnulífinu, stöðu kvenna, það hvort að skortur sé á mannauði hér á landi og margt fleira.
38 min