Barir og skemmtistaðir opna og fleiri mega sækja leiksýningar, messur, verslanir og söfn þegar tilslakanir á sóttvarnareglum taka gildi á mánudaginn.

Stjórnvöld í Póllandi, Þýskalandi, Frakklandi og Svíþjóð mótmæla ákvörðun Rússa um að vísa þremur stjórnarerindekum úr landi fyrir að hafa tekið þátt í aðgerðum til stuðnings Alexei Navalny.

Sýslumaðurinn á höfuðborgarsvæðinu synjaði í dag kröfu flugfélagsins Bláfugls um að lögbann yrði sett á verkfallsvörslu í Leifsstöð vegna verkfalls 11 flugmanna félagsins.

Sjónvarpsstjóri Sjónvarps Símans segir að Viaplay ætli að gera sig gildandi á íslenskum sjónvarpsmarkaði og viðbúið sé að það reyni að fá sýningarréttinn á enska boltanum.

----------------------------------------------------

Áætlað er að framkvæmdum við fyrsta áfanga Borgarlínu frá Ártúnshöfða að Hamraborg ljúki um mitt ár 2025 og heildarkostnaður nemi um 25 milljörðum króna. Arnar Páll segir frá . Heyrist í Davíð Þorlákssyni, Bergþóður Þorkelsdóttur og Hrafnkatli Á. Proppé.

Norski hyrðjuverkamaðurinn Anders Behring Breivik hefur á ný skotið upp kollinum í opinberri umræðu í Noregi. Núna vegna nýrrar bókar um aðgerðir Jens Stoltenberg, forsætisráðherra á tíma hryðjuverkanna 22. Júli 2011, dagana eftir ódæðisverkin. Og vor er nú loks farið að byggja upp að nýju í miðborg Oslóar nær 10 árum eftir að sprengja Breiviks sprakk þar. Gísli Kristjánsson segir frá.

Íslendingar eru almennt hreyfanlegri en norrænu nágrannaþjóðirnar, hafa flutt sig eftir vinnu, bæði milli landshluta og landa. Nýja breytan í dæminu er fjarvinna, sem hefur farið á flug í veirufaraldrinum, og sem gæti gert fólki auðveldara að flytja, hvort sem er úr landi eða úr þéttbýli í dreifbýli. Sigrún Davíðsdóttir segir frá.