ការសិក្សាធ្វើប័ណ្ណបើកបរទោចក្រយានយន្ត (ម៉ូតូ) នៅកម្ពុជា អាចអនុវត្ត​ក្នុងពេលណាមួយ​ ប្រសិនបើអាត្រា​គ្រោះថ្នាក់ចរាចរណ៍​លើអ្នកបើកម៉ូតូ​កើនឡើងច្រើនគួរកត់សម្គាល់។ នេះ​បើតាម​ការបញ្ជាក់របស់​ក្រសួងមហាផ្ទៃ​នៅថ្ងៃអង្គារនេះ ដោយលើកហេតុផលថា ដើម្បីចូលរួមទប់ស្កាត់គ្រោះថ្នាក់ចរាចរណ៍។ ជាហេតុផល​ដែលអ្នកឃ្លាំមើលយល់ថាមិនត្រឹមត្រូវ ហើយ​ផ្ទុយទៅវិញ រដ្ឋាភិបាលគួរដោះស្រាយបញ្ហានេះចេញពីការពង្រឹងការអនុវត្ត​ច្បាប់​ដែលមានស្រាប់។ សម្រាប់អ្នកជំនាញផ្នែកសុវត្ថិភាព​ចរាចរណ៍ផ្លូវគោកយល់ថា កម្ពុជាគួរកំណត់ឱ្យពលរដ្ឋ​​មានបណ្ណបើកបរម៉ូតូត្រឹមត្រូវ ព្រោះថាអាត្រាគ្រោះថ្នាក់ចរាចរណ៍នៅកម្ពុជា ៧០-៨០ភាគរយ កើតលើ​អ្នកបើកបរម៉ូតូ​កម្លាំងចាប់ពី​១២៥ cc ចុះ។

​