សមា​ជិក​ព្រឹទ្ធសភា​និង​តំណាង​រាស្ត្រ​អាមេរិក​បាន​ស្នើ​ច្បាប់​ថ្មី​មួយ​ទៀត​ ដើម្បី​ដាក់​ទណ្ឌ​កម្ម​មន្ត្រី​កម្ពុជា​ ក្រោម​ហេតុ​ផល​ បំពាន​លទ្ធិ​ប្រជា​ធិប​តេយ្យ ​និង​សិទ្ធិមនុស្ស ​។​ នេះ​គឺ​ជា​ការ​គាស់​រម្លើង​ឡើង​វិញ​ ខណៈ​ដែល​សេចក្តី​ស្នើ​ច្បាប់​ស្រដៀង​គ្នា​នេះ​កន្លងមក​បាន​ជាប់​គាំង​។​ អ្នក​មាន​និន្នាការ​ប្រ​ឆាំង​យល់​ថា​ ច្បាប់​នេះ​អាច​ចេញ​រួច​ដោយ​សារ​តែ​ស្ថាន​ភាព​កម្ពុជា​បច្ចុប្បន្ន ​មិន​អាច​ឲ្យ​អាមេរិក​នៅ​ឈរ​អោប​ដៃ​មើល​ត​ទៅ​ទៀត​បាន​ឡើយ​។​ ប៉ុន្តែ​អ្នក​មាន​និន្នា​ការ​គាំទ្រ​រដ្ឋាភិ​បាល​កម្ពុជា ​យល់​ថា ​ច្បាប់​នេះ​មាន​ចរិក​ជា​ភូមិ​សាស្ត្រ​នយោ​បាយ​ច្រើន​ជាង​បញ្ហា​សិទ្ធិ​មនុស្ស​។