គណ​បក្ស​ប្រជា​ជន​កម្ពុជា ​ប្រកាស​ដាក់​ចេញ​គោល​នយោបាយ​របស់​ខ្លួន​ឆ្លើយ​តប​នឹង​បញ្ហា​វិស័យ​​កសិកម្ម​គឺ​ដាក់​មន្ត្រី​កសិកម្ម​ម្នាក់​នៅ​គ្រប់​ឃុំ​ទូទាំង​ប្រទេស​នៅ​ក្នុង​អាណត្តិ​ទី៧​ខាង​មុខ​ បើ​បក្ស​កាន់​អំណាច​នេះ​បន្ត​ឈ្នះ​ការ​បោះ​ឆ្នោត​។​ ប៉ុន្តែ​អ្នក​ធ្វើ​ការ​ជា​មួយ​កសិករ​យល់ថា​នេះ​គ្រាន់​តែជា​ការ​ឃោសនា​ទាក់​ទាញ​ការ​គាំទ្រ​ពី​កសិករ​ ខណៈ​បញ្ហា​ដែល​កសិករ​កំពុង​ជួប​ប្រទះ​គឺ​ផលិត​បាន​ហើយ ​បែរ​ជា​តម្លៃ​ធ្លាក់​ចុះ ​និង​ខ្វះ​ទីផ្សារ​។