នៅថ្ងៃ​អាទិត្យ​ទី ១៦​កក្កដា ក្រុម​ប្រទេស​អ្នក​មាន​ទាំង​៧​ ឬ​ហៅកាត់​ថា ហ្សេ៧ កំពុង​ជួបប្រជុំ​​គ្នា​នៅក្រុង​ហ្កង់ឌីណាហ្កា ​ប្រទេស​ឥណ្ឌា។ ជំនួប​នេះ​ត្រូវ​បន្ត​ដោយ​កិច្ចប្រជុំ​ថ្នាក់​រដ្ឋមន្ត្រី​ហិរញ្ញវត្ថុ​នៃ​ក្រុមប្រទេស​មាន​សេដ្ឋកិច្ច​លូត​លាស់ខ្លាំង​​ទាំង​២០​ដំបូង​គេ​នៅ​លើ​ពិភពលោក​ (ហ្សេ២០)។ កិច្ច​ពិភាក្សាត្រូវ​ផ្តោត​ជា​សំខាន់​ទៅ​លើ​ការ​​រក​មធ្យោបាយ​សម្រាល​បំណុល​របស់​ក្រុមប្រទេស​ក្រីក្រកំពុង​អភិវឌ្ឍ អំពីការ​ធ្វើ​កំណែទម្រង់​ធនាគារ និង​ការ​យកពន្ធ​លើ​ក្រុមហ៊ុន​ពហុជាតិ​ដោយ​មិន​រំលង​ទេសំណុំ​រឿង​​ជួយ​​អ៊ុយក្រែន។ សម្រាប់​រដ្ឋមន្ត្រី​ក្រសួង​ហិរញ្ញវត្ថុ​អាមេរិក លោកស្រី ចានែត យេលែន ជួយ​អ៊ុយក្រែន​គឺ​ជា​ទង្វើ​ដ៏​ប្រសើរ​បំផុត​ សម្រាប់​សេដ្ឋកិច្ច​ពិភពលោក។ ជួយ​អ៊ុយក្រែន​និងក្រុម​ប្រទេស​កំពុង​អភិវឌ្ឍន៍​ ជា​វិញ្ញាសាពីរ​ដែល​ចង​ជាប់​គ្នា​យ៉ាង​ខ្លាំង។